دیہی ترقی کی وزارت اکتوبر سے شروع کرے گی دیہی ہنر مندی اسکیم کے تحت تربیتی پروگرام

نئی دہلی، 19 ستمبر (یو این آئی) دیہی ترقی کی مرکزی وزارت اگلے ماہ سے ملک کی بیشتر ریاستوں/مرکزکے زیرانتظام علاقوں میں دین دیال اپادھیائے-گرامین کوشل یوجنا (ڈی ڈی یو-جی کے وائی) 2.0 کے تربیتی بیچ شروع کرے گی جس کے تحت 3,57,112 دیہی نوجوانوں کو تربیت دینے کا ہدف رکھا گیا ہے۔
سرکاری معلومات کے مطابق پہلے مرحلے میں اڈیشہ، میزورم، سکم، مدھیہ پردیش، راجستھان، مغربی بنگال، ہماچل پردیش، تمل ناڈو، اتراکھنڈ، اتر پردیش، پڈوچیری، کرناٹک، تلنگانہ اور بہار کے ساتھ تربیتی بیچز کے آغاز کی تیاریوں کا جائزہ لیا گیا ہے۔ جائزہ میٹنگ ویڈیو کانفرنسنگ کے ذریعے جوائنٹ سکریٹری ہنر مندی اور ڈائریکٹر (ہنر مندی) نیز چیف ایگزیکٹو آفیسر، چیف آپریٹنگ آفیسر اور دیگر ریاستی حکام کی شرکت کے ساتھ منعقد کیا گیا۔
ان 14 ریاستوں/مرکزکے زیرانتظام علاقوں میں 31 دسمبر 2027 تک 3,57,112 دیہی نوجوانوں کو تربیت دینے کے منظور شدہ ہدف کے مقابلے میں، 34,920 دیہی نوجوانوں کے 1,164 بیچز اکتوبر 2026 میں اپنی تربیت شروع کریں گے۔ ڈی ڈی یو-جی کے وائی 2.0 پورٹل کے مطابق، 24 ریاستوں/مرکزی علاقوں کی جانب سے 1,200 سے زائد پروجیکٹس کے لیے 5.6 لاکھ اہداف مختص کیے جا چکے ہیں۔ دیگر ریاستوں کو اہداف مختص کیے جا رہے ہیں۔ مرحلہ وار جائزہ میٹنگوں سے بیچز کے آغاز کے عمل میں تیزی آئے گی۔ ڈی ڈی یو-جی کے وائی مرکز کے تعاون سے چلنے والی اسکیم ہے، جو دیہی غریب نوجوانوں کو روزگار سے منسلک ہنر مندی کی تربیت فراہم کرتی ہے۔ اس تربیت کا دورانیہ تین سے 12 ماہ تک ہوتا ہے۔ جائزہ میٹنگ میں ڈی ڈی یو-جی کے وائی 2.0 کے نفاذ کے لیے ریاستوں/مرکزی علاقوں کی تیاریوں کا جائزہ لیا گیا۔ تمام 31 شریک ریاستوں/مرکزی علاقوں کو 2026-28 کی دو سالہ مدت کے لیے اہداف مختص کیے جا چکے ہیں۔
وزارت نے اس بات پر زور دیا کہ یہ ریاستوں/مرکزکے زیرانتظام علاقوں کے لیے کارروائی کا ایک اہم مرحلہ ہے اور نفاذ کرنے والی ریاستوں/مرکزی علاقوں سے پروجیکٹ کےنفاذ سے متعلق ایجنسیوں (پی آئی اے) کو ہدف کی تخصیص میں تیزی لانے اور مقررہ وقت کے مطابق بیچز شروع کرنے کا مطالبہ کیا۔ ریاستوں/مرکزی علاقوں کو 31 اکتوبر 2026 تک تربیت شروع کرنے کے لیے پروجیکٹ امپلی منٹنگ ایجنسیوں (پی آئی اے) کو اہداف مختص کرنا یقینی بنانا ہے۔ ریاستیں/مرکزکے زیرانتظام علاقے تیاری کے مختلف مراحل میں ہیں اور نفاذ کرنے والی 31 ریاستوں/مرکزی علاقوں سے اس وزارت کو موصول ہونے والی معلومات کی بنیاد پر اہل دیہی نوجوانوں کو متحرک کرنے کے لیے پی آئی اے کو پانچ لاکھ سے زائد اہداف پہلے ہی دیے جا چکے ہیں۔ زیادہ تر ریاستیں اکتوبر 2026 میں تربیت اور دیہی نوجوانوں کو متحرک کر پائیں گی۔
میٹنگ کے دوران اسکیم کی مالی صورتحال کا بھی جائزہ لیا گیا۔ جائزے میں حصہ لینے والی ریاستوں/مرکزکے زیرانتظام علاقوں نے اشارہ دیا کہ اکتوبر 2026 سے تربیتی بیچز کے آغاز کے ساتھ اخراجات میں اضافے کی امید ہے۔