نبین نے مودی کو دی سالگرہ کی مبارکباد، قوم کی خدمت اورمحنت ولگن کا مترادف بتایا

نئی دہلی، 17 ستمبر (یو این آئی) بھارتیہ جنتا پارٹی (بی جے پی) کے صدر نتن نبین نے وزیراعظم نریندر مودی کی 76 ویں سالگرہ کے موقع پر جمعرات کو انہیں مبارکباد دی۔ انہوں نے مسٹر مودی کو قوم کی خدمت اورمحنت لگن کا مترادف بتاتے ہوئے 140 کروڑ ہم وطنوں کا قائد کہا۔
مسٹر نبین نے کہا، "آج 17 ستمبر کا دن بھگوان وشوکرما کی پوجا اور عبادت کا دن ہے اور کائنات کے خالق کے ساتھ ساتھ یہ ہمارے جدید ہندوستان کے معمار مودی جی کی سالگرہ بھی ہے۔ سب سے پہلے میں ملک کے پردھان سیوک کو ان کی سالگرہ پر مبارکباد دیتا ہوں اور ان کی لمبی عمر اور شاندار دور اقتدار کی تمنا کرتا ہوں۔” انہوں نے کہا، "آج ہم ان کی (مسٹر مودی) سالگرہ کو ‘سیوا دیوس’ کے طور پر منا رہے ہیں اور آج ہی ہمارے ‘سیوا سنکلپ ابھیان’ کا آغاز بھی ہو رہا ہے۔ آج ملک بھر میں بی جے پی کے ہزاروں کارکنان ‘ رکت دان مہادان ‘ کے عزم کے ساتھ اس مہم کا آغاز کر رہے ہیں اور یہ ہم سب کی خوش قسمتی ہے کہ آج ہم سب اس ‘رکت دان مہادان’ پروگرام میں شامل ہو رہے ہیں۔”
بی جے پی صدر نے کہا، "آج ان کی (مسٹر مودی) سالگرہ پر جیسے معاشرے میں تبدیلیاں آئی ہیں، لوگوں کی سوچ میں تبدیلی دکھائی دی ہے اور لوگوں کی زندگی میں تبدیلی آئی ہے، اسی طرح آج تمام ہم وطن مل کر ‘آشیرواد کا دیا’ جلائیں گے اور وزیراعظم جی کی شاندار اور لمبی زندگی کے لیے دعا کریں گے، تاکہ آج ترقی کی راہ پر سب سے آگے بڑھ رہا ہندوستان، ترقی یافتہ ہندوستان کے طور پر آگے بڑھتے ہوئے عالمی سطح پر اپنی الگ پہچان بناتا رہے اور مسٹر مودی کی قیادت میں 2047 تک ہندوستان کو ترقی یافتہ ملک بنانے کے خواب کو شرمندہ تعبیر کیا جا سکے۔” اس موقع پر مسٹر نبین نے پارٹی ہیڈکوارٹر میں یووا مورچہ کے زیراہتمام خون کے عطیہ کیمپ میں خون کا عطیہ دیا۔ انہوں نے کہا کہ ‘ ملک مقدم ‘ کے عزم کے ساتھ آپ کا سفر خدمت، گڈ گورننس اور عوامی بہبود کی ایک باعث تحریک داستان رہا ہے۔ یہ سفر صرف کسی ایک فرد کا نہیں بلکہ ہم وطنوں کے اجتماعی خواب کا بھی ہے، جسے آپ نے اپنے کام اور ریاضت سے سمت دی ہے۔
بی جے پی صدر نے کہا کہ مسٹر مودی کی رہنمائی میں ہندوستان ترقی اور خود انحصاری کے نئے طول و عرض قائم کر رہا ہے اور اپنی نئی پہچان اور طاقت کے ساتھ عالمی سطح پر مسلسل آگے بڑھ رہا ہے۔