کورونا وائرس کے مزید ۱۵ کیس درج‘

سرینگر/۱۸مارچ
جموں کشمیر میں پچھلے چوبیس گھنٹوں کے دوران کورونا وائرس کے۱۵نئے مثبت معاملات سامنے آئے ہیں۔
اس مدت کے دوران دونوں صوبوں میں کورونا وائر س سے کوئی تازہ موت نہیں ہوئی ہے۔
ایک سرکاری بیان میں کہا گیا ہے کہ مجموعی ۱۵مثبت معاملات میں سے ۷کا کشمیر اور۸کا تعلق جموں صوبے سے ہے۔
اِس طرح مثبت معاملات کی کل تعداد۴لاکھ۵۳ہزار۵۲۰تک پہنچ گئی ہے‘ جن میں سے۱۳۳(صوبہ جموں میں ۵۰؍ اور کشمیر صوبے میں۸۳)سر گرم معاملات ہیں۔اَب تک۴لاکھ۴۸ہزار۶۳۷اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع سرینگر میں۴‘ضلع بڈگام میں۲؍ اور ضلع کپواڑہ ایک نیامعاملہ درج ہواہے۔بارہمولہ،پلوامہ ، اسلام آباد ،بانڈی پورہ ،گاندربل ،کولگام اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح جموں میں۲‘ضلع اودھمپور میں ایک‘ ضلع راجوری میں ۳، ضلع کشتواڑ میں ایک اور ضلع کٹھوعہ میں ایک نیا معاملہ سامنے آیا ہے ۔ڈوڈہ ،سانبہ ، پونچھ ،رام بن اور رِیاسی اضلاع سے کسی مثبت معاملے کی کوئی رِپورٹ نہیں آئی ہے۔
بیان کے مطابق گزشتہ ۲۴ گھنٹوں کے دوران دونوں صوبوں میں کوئی تازہ موت درج نہیں ہو ئی ہے ‘اب تک جموںکشمیر میں کوروناوائرس سے مرنے والوں کی مجموعی تعداد۴۷۵۰تک پہنچ گئی ،جن میں سے۲۴۲۳کا کشمیر اور۲۳۲۷کاتعلق جموں صوبہ سے ہے۔
اِسی دوران آج مزید۳۸؍اَفراد شفایاب ہوئے ہیںجن میںجموں صوبے کے۸؍اور کشمیر کے۳۰؍افرادشامل ہیں۔