سپریم کورٹ نے ابھیشیک بنرجی کو آنکھوں کے علاج کے لیے بیرون ملک جانے کی اجازت دی

نئی دہلی،11اگست (یو این آئی) سپریم کورٹ نے ترنمول کانگریس لیڈر اور لوک سبھا رکنِ اسمبلی ابھیشیک بنرجی کو آنکھوں کا علاج کرانے کے لیے پیر کو تین ہفتے کے لیے بیرون ملک سفر کرنے کی اجازت دے دی۔
چیف جسٹس سوریہ کانت کی صدارت میں جسٹس جوئے مالیا باگچی نیز جسٹس وی موہنا کی بنچ نے کلکتہ ہائی کورٹ کے ذریعہ مسٹر بنرجی کے بیرون ملک سفر پر پابندی میں چھوٹ دینے سے انکار کرنے کے فیصلے کو چیلنج کرنے والی عرضی کو قبول کر لیا۔ یہ پابندی 2026 کے ریاستی اسمبلی انتخابات کی مہم کے دوران کی گئی ایک مبینہ اشتعال انگیز تبصرے سے متعلق معاملے میں گرفتاری سے تحفظ کی شرط کے طور پر لگائی گئی تھی۔
عدالت نے مسٹر بنرجی کو صرف اپنے سفارتی پاسپورٹ پر سفر کرنے نیز جانچ ایجنسی کے ساتھ اپنا سفری پروگرام اور قیام گاہ کی معلومات شیئر کرنے کی ہدایت دی۔ مغربی بنگال کی طرف سے پیش ہوئے ایڈیشنل سالیسیٹر جنرل ایس وی راجو نے مسٹر بنرجی کے خلاف 16 معاملات اور ان کے واپس نہ لوٹنے کے خدشے کا حوالہ دیتے ہوئے عرضی کی مخالفت کی۔ بنچ نے تبصرہ کیا کہ ہر شخص کو بیرون ملک سفر کرنے اور طبی علاج منتخب کرنے کا حق ہے۔
مسٹر بنرجی کی طرف سے پیش سینئر ایڈوکیٹ گوپال شنکر نارائنن نے بتایا کہ مسٹر بنرجی کے سفارتی پاسپورٹ سے ہندوستانی سفارت خانوں کو ان کی سرگرمیوں پر نظر رکھنے اور حکومت کے خدشات کو دور کرنے میں مدد ملے گی۔