امریکی عدالت نے اڈانی کے خلاف مقدمہ خارج کر دیا

نئی دہلی، 11 اگست (یواین آئی) امریکہ کی ایک عدالت نے ہندوستانی ارب پتی کاروباری شخصیت گوتم اڈانی کے خلاف ایک فوجداری مقدمہ خارج کر دیا ہے۔
بروکلین کی ضلعی عدالت کے جج نے اس بات سے مطمئن ہونے کے بعد کہ امریکی محکمۂ انصاف نے اڈانی گروپ کی جانب سے ملک میں 10 ارب ڈالر کی سرمایہ کاری کے عزم سے متاثر ہوئے بغیر مقدمہ واپس لینے کی درخواست دی ہے، محکمۂ انصاف کی درخواست منظور کر لی۔ محکمۂ انصاف نے رواں سال مئی میں مقدمہ واپس لینے کے لیے عدالت میں درخواست دائر کی تھی۔ اس کے بعد عدالت نے اڈانی گروپ سے پوچھا تھا کہ محکمۂ انصاف کے اس اقدام کے بدلے اس نے کیا رعایت یا فائدہ دیا تھا۔
مسٹر اڈانی نے امریکی عدالت کے فیصلے کا خیرمقدم کرتے ہوئے سوشل میڈیا پلیٹ فارم ایکس پر ایک پوسٹ میں کہاکہ ’’اس مشکل وقت میں قانون کی سچائی اور انصاف پر ہمارا اعتماد غیر متزلزل رہا۔‘‘ انہوں نے ان تمام لوگوں کا شکریہ ادا کیا ’’جنہوں نے ہم پر، نظام پر اور ہندوستان کی انصاف فراہم کرنے کی صلاحیت پر‘‘ اپنا اعتماد برقرار رکھا۔
مسٹر اڈانی نے کہا کہ حالات چاہے جیسے بھی ہوں، وہ اور ان کی کمپنی ملک کی تعمیر، طویل مدتی پائیدار قدر پیدا کرنے اور اپنی ذات کی حدود سے کہیں بڑے مقاصد کی تکمیل کے لیے کام کرتے رہیں گے۔