امریکہ یوکیرین کو 300 کلو میٹر کی مسافت کے حامل میزائل فراہم نہیں کرے گا، وائٹ ہاؤس

واشنگٹن//
متحدہ امریکہ نے اعلان کیا ہے کہ یہ یوکیرین کو 300 کلو میٹر کی مسافت کے حامل میزائل فراہم نہیں کرے گا۔وائٹ ہاوس کے قومی سلامتی کے مشیر جیک سولیوان نے امریکی دارالحکومت واشنگٹن میں منعقدہ آسپین سیکیورٹی فورم سے خطاب کیا۔ یوکرین کے بارے میں جائزے پیش کرتے ہوئے سلیوان نے کہا کہ امریکی انٹیلی جنس کو توقع تھی کہ روسی فوج جنگ میں کافی مؤثر ثابت ہو گی ، لیکن روس جنگ میں اپنے بہت سے اہداف حاصل کرنے سے قاصر رہا ہے۔یہ بتاتے ہوئے کہ روس کو اپنے موجودہ اہداف کے حصول میں بھی بڑی مشکلات کا سامنا ہے، سلیوان نے کہا کہ اس کی نمایاں وجہ یوکرینیوں کی ہمت اور مغربی ممالک کی طرف سے فراہم کردہ ہتھیار ہیں۔امریکی صدر جو بائیڈن کے سیکیورٹی مشیر نے علاوہ ازیں یہ بھی بتایا کہ روس کا یوکیرین پر قبضہ پوتن کے لیے ایک سٹریٹیجک ناکامی ہونا امریکہ کے سٹریٹیجک اہداف میں شامل ہے۔

سلیوان نے کہا کہ امریکہ یوکرین کو 300 کلومیٹر تک مار کرنے والے لینڈ فورسز ٹیکٹیکل کمبیٹ میزائل نہیں دے گا۔ کیونکہ”صدر بائیڈن کا خیال ہے کہ ہمیں ایسے حالات پیدا نہیں کرنے چاہئیں جو تیسری عالمی جنگ کا باعث بنیں۔”