کرگل؍۱۸جولائی
جموں و کشمیر نیشنل کانفرنس (این سی) نے لداخ ہل ڈویلپمنٹ کونسل (ایل اے ایچ ڈی سی) کرگل کے چیف ایگزیکٹو کونسلر ڈاکٹر محمد جعفر اخون کو پارٹی کی بنیادی رکنیت سے چھ برس کے لیے خارج کر دیا ہے، جس کی وجہ پارٹی مخالف سرگرمیاں اور نظم و ضبط کی خلاف ورزی بتائی گئی ہے۔
یہ کارروائی مقامی انڈیا بلاک اتحاد کے اندر قبل از انتخاب طے پانے والے باری باری اقتدار کی شراکت کے معاہدے پر عمل درآمد کے معاملے میں اختلافات کے بعد کی گئی۔
اطلاعات کے مطابق ڈاکٹر اخون نے معاہدے کے مطابق عہدہ چھوڑنے سے انکار کر دیا تھا۔
پارٹی کے سرکاری ایکس ہینڈل پر جاری ایک پوسٹ میں کہا گیا کہ جنرل سیکریٹری علی محمد ساگر نے ڈاکٹر اخون کو چھ برس کے لیے پارٹی سے خارج کرنے کا حکم دیا، اور الزام عائد کیا کہ ان کے اقدامات پارٹی نظم و ضبط کے منافی اور تنظیم کے لیے نقصان دہ تھے۔
۔۔۔۔۔۔۔۔
ایجنسیاں
