سرینگر؍۲۲مئی
جنوبی کشمیر کے ضلع پلوامہ کے ٹرال علاقے کے سیموہ میں جمعہ کو ایک ٹریکٹر الٹنے کے نتیجے میں ایک کمسن لڑکے کی موت واقع ہوگئی۔
ایک سرکاری عہدیدار نے بتایا کہ کمسن لڑکا ایک اسکول کے قریب ڈھلان پر کھڑے ٹریکٹر پر بیٹھا ہوا تھا اور جب اس نے گاڑی کو اسٹارٹ یا حرکت دینے کی کوشش کی تو ٹریکٹر الٹ گیا۔
خبر رساں ایجنسی کے این او کے مطابق حادثے میں لڑکا شدید زخمی ہوگیا اور موقع پر ہی دم توڑ گیا۔
متوفی کی شناخت سالم احمد غنی(۱۱) ولد عبدالسلام گنی ساکن سیموہ ٹرال کے طور پر ہوئی ہے۔
ادھر، پولیس نے واقعے کا نوٹس لے کر کارروائی شروع کر دی ہے۔
۔۔۔۔
