افغانستان کے خلاف سیریز: بمراہ کو آرام، کے ایل راہل نائب کپتان ، پرنس یادو پہلی بار ٹیم میں شامل

ممبئی ،19 مئی (یواین آئی ) ہندوستانی کرکٹ بورڈ نے افغانستان کے خلاف آئندہ واحد ٹیسٹ اور تین ون ڈے میچوں کی سیریز کے لیے قومی اسکواڈ کا اعلان کر دیا ہے۔ اسٹار فاسٹ بالر جسپریت بمراہ کو ورک لوڈ مینجمنٹ کے تحت آرام دیا گیا ہے، جبکہ آئی پی ایل 2026 میں شاندار کارکردگی دکھانے والے نوجوان فاسٹ بالر پرنس یادو پہلی بار بھارتی ون ڈے ٹیم کا حصہ بن گئے ہیں۔
بھارتی ٹیم کی قیادت شبھمن گل کریں گے۔ ٹیسٹ فارمیٹ میں کے ایل راہل کو رشبھ پنت کی جگہ نائب کپتان مقرر کیا گیا ہے۔ سلیکٹرز نے نوجوان ٹیلنٹ پر بھروسہ کرتے ہوئے مانو ستھار، گرنور برار اور ہرش دوبے کو پہلی بار ٹیسٹ اسکواڈ میں طلب کیا ہے۔ ون ڈے ٹیم میں ایشان کشن اور ہاردک پانڈیا کی واپسی ہوئی ہے، تاہم رویندر جڈیجہ انجری کے باعث اور محمد سراج ون ڈے اسکواڈ سے باہر ہیں۔
ون ڈے فارمیٹ میں آئی پی ایل 2026 کے دریافت کردہ فاسٹ بالر پرنس یادو کو ان کی شاندار کارکردگی کا صلہ دیتے ہوئے پہلی بار قومی ٹیم میں شامل کیا گیا ہے۔ روہت شرما اور وراٹ کوہلی کی موجودگی میں شریاس ایر کو ون ڈے ٹیم کا نائب کپتان مقرر کیا گیا ہے۔
ہندوستان اور افغانستان کے درمیان کرکٹ کا میلہ 6 جون سے شروع ہوگا:
واحد ٹیسٹ: 6 جون (نیو چنڈی گڑھ)،ون ڈے سیریز: 14 جون (دھرم شالہ)، 17 جون (لکھنؤ) اور 20 جون (چنئی) مین کھیلا جایے گا۔
ٹیسٹ اسکواڈ:
شبھمن گل (کپتان)، یشسوی جیسوال، کے ایل راہل (نائب کپتان)، سائی سدرشن، رشبھ پنت، دیودت پڈیکل، نتیش کمار ریڈی، واشنگٹن سندر، کلدیپ یادو، محمد سراج، پرسدھ کرشنا، مانو ستھار، گرنور براڑ، ہرش دوبے، دھرو جریل۔
ون ڈے اسکواڈ:
شبھمن گل (کپتان)، روہت شرما، وراٹ کوہلی، شریاس ایر (نائب کپتان)، کے ایل راہل، ایشان کشن، ہاردک پانڈیا، نتیش کمار ریڈی، واشنگٹن سندر، کلدیپ یادو، ارشدیپ سنگھ، پرسدھ کرشنا، پرنس یادو، گرنور براڑ، ہرش دوبے۔