شمالی ضلع کپواڑہ میں تین طالب علم لاپتہ

سرینگر///
جموںکشمیر کے شمالی ضلع کپواڑہ میں تین طالب علم سکول کیلئے نکلے لیکن تب سے گھر واپس نہیں لوٹ آئے ہیں جس وجہ سے رشتہ داروں میں فکر وتشویش کی لہر دوڑ گئی ہے۔
لواحقین نے ایل جی منوج سنہا سے فوری مداخلت کی اپیل کی ہے۔
شمالی ضلع کپواڑہ میں تین طالب علم اچانک لاپتہ ہو گئے ہیں جن کی بڑے پیمانے پر تلاش شروع کی گئی۔
آٹھویں جماعت میں زیر تعلیم عرفان احمد وانی ولد مشتاق احمد وانی ساکن کاواری کپواڑہ، بارہویں جماعت میں زیر تعلیم ناصر فیاض ڈار ولد فیاض احمد ڈار ساکن واسکورہ ہندواڑہ اور گیارہویں جماعت میں زیر تعلیم بلال احمد ڈار وانی ولد محمد امین کاواری کپواڑہ ۱۸جولائی کو گھر سے سکول کیلئے نکلے لیکن تب سے اْن کا کوئی اتہ پتہ نہیں ہے۔
ذرائع نے بتایا کہ منگل کے روز لواحقین نے پولیس تھانے میں گمشدگی کی رپورٹ درج کی۔
رشتہ داروں نے لیفٹیننٹ گورنر منوج سنہا ، ایس ایس پی کپواڑہ سے فوری مداخلت کی اپیل کی ہے۔