اسرائیلی فائرنگ سے 15 سالہ فلسطینی نوجوان جاں بحق

اسرائیلی فائرنگ سے 15 سالہ فلسطینی نوجوان جاں بحق
رام اللہ، 15 مئی (یواین آئی) فلسطینی اتھارٹی نے کہا ہے کہ مقبوضہ مغربی کنارہ میں اسرائیلی افواج کی فائرنگ سے 15 سالہ فلسطینی نوجوان
کی موت ہوگئی۔ فلسطینی وزارتِ صحت کے مطابق شہید ہونے والے نوجوان کی شناخت فہد زیدان اویس کے نام سے ہوئی ہے۔
وزارت نے بتایا کہ نوجوان کو نابلس گورنری کے قصبے اللبّن الشرقیہ میں جمعے کی صبح اسرائیلی افواج نے گولی مار کر شہید کیا جبکہ اس کی لاش بھی اسرائیلی فورسز نے اپنے قبضے میں لے لی۔
دوسری جانب اسرائیلی فوج نے دعویٰ کیا ہے کہ علاقے میں انسدادِ دہشت گردی کارروائی کے دوران ایک ”نقاب پوش دہشت گرد” کو ہلاک کیا گیا۔
اسرائیلی فوج کے مطابق مذکورہ نوجوان ایک مرکزی سڑک پر اسرائیلی گاڑیوں پر پتھراؤ کر رہا تھا جس سے لوگوں کی جانوں کو خطرہ لاحق تھا۔