جموں؍۴مئی
بالائی علاقوں میں تازہ برفباری کے بعد مغل روڈ کو احتیاطی تدابیر کے طور پر پیر کی گلی کے مقام پر عارضی طور پر بند کر دیا گیا ہے۔
ڈی ٹی آئی پونچھ منظور احمد کوہلی نے بتایا کہ شوپیاں کو راجوری،پونچھ اضلاع سے ملانے والی مغل روڈ کو پیر کی گلی میں برفباری کے باعث بند کیا گیا ہے۔
کوہلی نے کہا کہ بالائی علاقوں میں تازہ برفباری اور پھسلن کے سبب مغل روڈ پر ٹریفک کی آمد و رفت روک دی گئی ہے۔
پولیس آفیسر نے عوام کو مشورہ دیا کہ سڑک کے قابلِ آمد و رفت ہونے تک مغل روڈ پر سفر سے گریز کریں۔
