ایجنسیز
جموں؍۴مئی
جموں و کشمیر حکومت نے مئی کیلئے سول سیکریٹریٹ جموں میں وزراء کی دستیابی کا روسٹر جاری کر دیا ہے۔
حکم نامے کے مطابق، نائب وزیر اعلیٰ سریندر کمار چودھری۴ مئی سے۸مئی تک سیکریٹریٹ میں دستیاب رہیں گے۔
اس کے بعد سکینہ مسعود (ایتو)، وزیر برائے صحت و طبی تعلیم، اسکولی تعلیم، اعلیٰ تعلیم اور سماجی بہبود،۱۱مئی سے۱۵ مئی تک موجود رہیں گی۔وزیر اعلیٰ کے مشیر ناصر اسلم وانی۱۸ مئی سے۲۲مئی تک دستیاب رہیں گے۔
جبکہ جاوید احمد ڈار، وزیر برائے زرعی پیداوار، دیہی ترقی و پنچایتی راج، کوآپریٹو اور محکمہ انتخابات۲۵ مئی سے۲۹ مئی تک سیکریٹریٹ میں موجود رہیں گے۔
اس بیچ جموں و کشمیر حکومت نے مئی۲۰۲۶کے لیے سول سیکریٹریٹ جموں میں انتظامی سیکریٹریوں کی ڈیوٹی کا روسٹر جاری کر دیا ہے تاکہ سرکاری کام کاج کی روانی اور مؤثر انجام دہی یقینی بنائی جا سکے۔
ایک سرکاری حکم نامہ کے مطابق جنرل ایڈمنسٹریشن ڈیپارٹمنٹ (جی اے ڈی) نے سینئر افسران کی ڈیوٹی اس طرح ترتیب دی ہے کہ وہ گرمیوں کے سیشن کے دوران باری باری سول سیکریٹریٹ میں دستیاب رہیں۔
روسٹر کے مطابق، اشونی کمار (آئی اے ایس)، فائنانشل کمشنر (ایڈیشنل چیف سیکریٹری)، محکمہ بجلی ترقی، کے ساتھ محمد اعجاز (آئی اے ایس)، سیکریٹری، دیہی ترقی و پنچایتی راج ۴مئی سے۸ مئی تک موجود رہیں گے۔
۱۱ مئی سے۱۵مئی تک، شالین کابرا (آئی اے ایس)، فائنانشل کمشنر (ایڈیشنل چیف سیکریٹری)، جل شکتی محکمہ، اور ڈاکٹر پیوش سنگلا (آئی اے ایس)، سیکریٹری، محکمہ اطلاعاتی ٹیکنالوجی، سیکریٹریٹ میں تعینات رہیں گے۔
۱۸ مئی سے۲۲مئی کے دوران، ڈاکٹر آشیش چندر ورما (آئی اے ایس)، فائنانشل کمشنر (ایڈیشنل چیف سیکریٹری)، محکمہ سیاحت، کے ساتھ نوین ایس ایل (آئی اے ایس)، سیکریٹری، محکمہ شہری ہوا بازی، ڈیوٹی انجام دیں گے۔
آخری مرحلے میں،۲۵ مئی سے۲۹مئی تک، شیلندر کمار (آئی اے ایس)، فائنانشل کمشنر (ایڈیشنل چیف سیکریٹری)، محکمہ خزانہ، اور کمار راجیو رنجن (آئی اے ایس)، انتظامی سیکریٹری، محکمہ محنت و روزگار، سیکریٹریٹ میں موجود رہیں گے۔
جنرل ایڈمنسٹریشن ڈیپارٹمنٹ کی جانب سے جاری اس حکم نامے کا مقصد گرمیوں کے دوران جموں میں انتظامی تسلسل برقرار رکھنا اور سینئر افسران کی دستیابی کو یقینی بنانا ہے۔
