سرینگر؍۱۳ ؍اپریل
محکمہ فلوریکلچر، گارڈنز اینڈ پارکس کشمیر نے پیر کے روز اعلان کیا ہے کہ ٹیولپ گارڈن سرینگر، جو۱۶ مارچ کو ٹیولپ شو۲۰۲۶ کے لیے عوام کے لیے کھولا گیا تھا،۱۶؍اپریل کی شام سے عام لوگوں کے لیے بند کر دیا جائے گا۔
محکمہ کی جانب سے جاری ایک سرکاری نوٹس کے مطابق یہ فیصلہ ٹیولپ کمیٹی کی سفارشات کے بعد لیا گیا ہے۔
محکمہ نے کہا کہ مقررہ تاریخ کے بعد باغ عوامی آمد و رفت کے لیے بند رہے گا، جس کے ساتھ ہی اس سال کے ٹیولپ شو کا اختتام ہو جائے گا۔
