این ایس ٹی ایف ڈی سی جمعہ کو اپنا 25واں یومِ تاسیس منائے گا

نئی دہلی، 09 اپریلاین ایس ٹی ایف ڈی سی جمعہ کو اپنا 25واں یومِ تاسیس منائے گا (یو این آئی) مرکزی وزارت برائے قبائلی امور کے تحت پبلک سیکٹر کا ادارہ، نیشنل شیڈولڈ ٹرائب فنانس اینڈ ڈیولپمنٹ کارپوریشن (این ایس ٹی ایف ڈی سی ) جمعہ کو یہاں اپنا 25واں یومِ تاسیس منائے گا۔
سرکاری معلومات کے مطابق، سال 2001 میں قائم ہونے والا این ایس ٹی ایف ڈی سی ملک بھر میں درج فہرست قبائل کی اقتصادی ترقی کے لیے وقف ایک اعلیٰ ادارہ کے طور پر کام کرتا ہے۔ یہ کارپوریشن ریاستی چینلنگ ایجنسیوں کے ذریعے رعایتی مالی امداد فراہم کر کے روزگار کے مواقع کو فروغ دینے میں اہم کردار ادا کر رہا ہے۔
قبائلی امور کے وزیر جوئل اورام اس موقع پر بطور مہمانِ خصوصی شرکت کریں گے۔ اس تقریب میں قبائلی امور کے وزیر مملکت درگا داس اوئی کے اور قبائلی امور کی وزارت کی سکریٹری محترمہ رنجنا چوپڑا کے ساتھ ساتھ سابق سی ایم ڈیز، سینئر حکام اور معزز مہمان بھی شامل ہوں گے۔
تقریب کے دوران، این ایس ٹی ایف ڈی سی ملک بھر کے ان کامیاب قبائلی کاروباریوں کو نوازے گا جنہوں نے اس ادارے کی اسکیموں کے تحت مالی امداد حاصل کر کے پائیدار کاروبار قائم کیے ہیں۔ یہ مستفیدین مختلف قبائلی برادریوں کی نمائندگی کرتے ہیں اور انہوں نے روایتی پکوان، صحت کی دیکھ بھال، پولٹری، ڈیری، دستکاری، ماہی گیری، ریٹیل بزنس اور سلائی کڑھائی جیسے مختلف شعبوں میں اپنے کاروبار قائم کیے ہیں۔
اس پروگرام میں قبائلی رقص اور نکڑ ناٹک سمیت ثقافتی پروگرام بھی پیش کیے جائیں گے، جو قبائلی برادریوں کے بھرپور ورثے اور روایات کی عکاسی کریں گے۔