ڈی آئی پی آر
جموں؍۲؍اپریل
سکریٹری قانون ساز اسمبلی، منوج کمار پنڈت نے آج ایوان کو بتایا کہ لیفٹیننٹ گورنر نے قانون ساز اسمبلی سے منظور شدہ تین بلوں کی منظوری دے دی ہے۔
ایوان کو آگاہ کرتے ہوئے، سکریٹری نے پڑھ کر سنایا’’جموں و کشمیر جن وشواس (ترامیم دفعات) بل،۲۰۲۶(ایل اے بل نمبر۱آف۲۰۲۶)؛ جموں و کشمیر ہنس (لیپروسی) سے متاثرہ افراد کے ساتھ امتیازی سلوک کے خاتمے کا بل‘۲۰۲۶(ایل اے بل نمبر۲ آف۲۰۲۶) اور جموں و کشمیر اسٹیٹ سوول کورٹس (ترمیم) بل‘۲۰۲۶(ایل اے بل نمبر۰۳ آف۲۰۲۶ ) جو قانون ساز اسمبلی سے منظور ہوئے ہیں، انہیں لیفٹیننٹ گورنر نے۳۱ مارچ۲۰۲۶ کو منظوری دے دی ہے۔‘‘
