آئی پی ایل 2026: گجرات ٹائٹنز نے ٹکٹنگ کا نظام مکمل ڈیجیٹل کر دیا

احمد آباد،16مارچ (یواین آئی ) آئی پی ایل 2026 کے لیے گجرات ٹائٹنز نے مداحوں کی سہولت کے پیشِ نظر ایک بڑا قدم اٹھاتے ہوئے نریندر مودی اسٹیڈیم میں ہونے والے تمام ہوم میچز کے لیے ڈیجیٹل ٹکٹنگ ماڈل متعارف کروا دیا ہے۔ اب شائقین کرکٹ بک مائی شو اور ٹائٹنز فیم ایپ کے ذریعے براہ راست ٹکٹ خرید سکتے ہیں۔اس نئے نظام کے تحت اب شائقین کو فزیکل (کاغذی) ٹکٹ کی ضرورت نہیں رہے گی۔ محفوظ QR کوڈ پر مبنی ٹکٹ براہ راست مداحوں کے اسمارٹ فون پر بھیجے جائیں گے۔ دنیا کے سب سے بڑے کرکٹ اسٹیڈیم میں لاکھوں کی تعداد میں آنے والے تماشائیوں کے لیے اس ڈیجیٹل نظام سے داخلہ آسان ہوگا اور قطاروں میں لگنے کی پریشانی ختم ہو جائے گی۔
کرنل اروندر سنگھ نے کہا کہ "ہمارا مقصد میچ کے دن کے تجربے کو مزید آسان اور محفوظ بنانا ہے تاکہ مداح بغیر کسی رکاوٹ کے کھیل سے لطف اندوز ہو سکیں۔”