سنجو سیمسن کی خطرناک بلے بازی ، ہندوستان نے ویسٹ انڈیز کو پانچ وکٹوں سے شکست دے کر سیمی فائنل میں جگہ بنائی

کولکتہ، یکم مارچ (یو این آئی) ہندوستان نے سنجو سیمسن (97 رن ناٹ آوٹ ) کی خطرناک اور ذمہ دارانہ بلے بازی کی بدولت اتوار کے روز ٹی ٹوئنٹی ورلڈ کپ کے سپر ایٹ کے آخری دلچسپ مقابلے میں ویسٹ انڈیز کو پانچ وکٹوں سے شکست دے کر سیمی فائنل میں جگہ بنالی جہاں پانچ مارچ کو اس کا سامنا انگلینڈ سے ہوگا۔
ہدف کے تعاقب میں اتری ٹیم انڈیا کی شروعات اچھی نہیں رہی، تاہم میچ کے اصل ہیرو سنجو سیمسن کی جارحانہ اور ذمہ دارانہ اننگز نے ٹیم کو سنبھال لیا۔ ایک طرف جہاں وکٹ گرتے رہے وہیں سنجو سیمسن پہاڑ کی طرح ڈٹ کر ویسٹ انڈیز کے گیندبازوں کا سامنا بغیر کسی دباؤ کے کرتے رہے اور اسکور بورڈ میں رنوں کی رفتار کو کم نہیں ہونے دیا اور ٹیم انڈیا کی جیت میں کلیدی کردار ادا کیا۔ سنجو نے 50 گیندوں میں 12 چوکوں اور چار چھکوں کی مدد سے شاندار 97 رن بناکر ناٹ آوٹ رہے اور ٹیم کو جیت سے ہمکنار کیا۔
اوپنر ابھیشیک شرما نے پہلے اوور میں پانچ رن بنائے، جہاں عقیل حسین کے اوور میں کوئی باؤنڈری نہیں آئی۔ دوسرے اوور میں میتھیو فورڈ کی باؤنسر ابھیشیک کے ہیلمٹ پر لگی جس کے بعد کنکشن پروٹوکول کے تحت کھیل کچھ دیر کے لیے روکنا پڑا اور فزیوز نے ان کا معائنہ کیا۔
تیسرے اوور کی آخری گیند پر عقیل حسین نے ابھیشیک شرما کو کیچ آؤٹ کرا دیا۔ بیک آف لینتھ گیند پر ابھیشیک نے چھکا لگانے کی کوشش کی لیکن گیند ہوا میں بلند ہوگئی اور شمرون ہٹمائر نے کیچ تھام لیا۔ اس اوور میں سنجو سیمسن نے دو چھکے جڑ کر ٹیم کے اسکور کو رفتار دی اور مجموعی طور پر 17 رن بنے۔
پانچویں اوور کی تیسری گیند پر ہندوستان کو دوسرا دھچکا لگا جب ایشان کشن 10 رن بنا کر آؤٹ ہوگئے۔ انہیں جیسن ہولڈر نے ہٹمائر کے ہاتھوں کیچ کرایا۔ پاور پلے کے اختتام تک ہندوستانی ٹیم نے دو وکٹوں کے نقصان پر 53 رن اسکور بنایا۔
اس کے بعد سنجو سیمسن اور کپتان سوریہ کمار یادو نے اننگز کو سنبھالا۔ ساتویں اوور میں دونوں نے مل کر 14 رن بنائے جس میں سیمسن کا چوکا اور سوریہ کمار کا چھکا شامل تھا۔ دسویں اوور میں سیمسن نے گوداکیش موتی کی گیند پر چوکا لگا کر 26 گیندوں پر اپنی شاندار نصف سنچری مکمل کی۔
تاہم گیارہویں اوور میں ہندوستان کو تیسرا نقصان اٹھانا پڑا جب سوریہ کمار یادو 16 گیندوں پر 18 رن بنا کر آؤٹ ہوگئے۔ انہوں نے سیمسن کے ساتھ 35 گیندوں پر 58 رن کی اہم