بجبہاڑہ میں سڑک حادثہ پولیس اہلکار جاں بحق، ساتھی زخمی

سرینگر/14 جولائی
جنوبی ضلع اسلام آباد کے بجبہاڑہ علاقے میں جمعرات اعلیٰ الصبح سڑک کے ایک حادثے میں آف ڈیوٹی پولیس اہلکار ہلاک جبکہ اُس کا ساتھی شدید طورپر زخمی ہوا۔
ذرائع نے بتایا کہ زر پارہ بجبہاڑہ کے نزدیک لوڈ کیئریر اور موٹر سائیکل کے درمیان شدید ٹکر ہوئی جس وجہ سے موٹر سائیکل پر سوار دو آف ڈیوٹی پولیس اہلکار زخمی ہوئے ۔
ذرائع نے بتایا کہ مقامی لوگوں نے زخمیوں کو علاج ومعالجہ کی خاطر فوری طورپر نزدیکی ہسپتال پہنچایا تاہم وہاں پر موجود ڈاکٹروں نے ایک پولیس اہلکار کو مردہ قرار دیا۔
متوفی کی شناخت طاریق احمد آہنگر ساکن ویری ناگ کے بطور ہوئی ہے ۔حادثے میں زخمی ہوئے پولیس اہلکار کی پہچان اشفاق احمد آہنگر ساکن نو پورہ ڈورو کے بطور کی گئی۔
پولیس نے اس ضمن میں کیس درج کرکے مزید تحقیقات شروع کی ہے ۔