کورونا کے ۱۴۲ نئے مثبت کیس ،جموںصوبے میں ایک کی موت

سرینگر//
جموں کشمیر میں پچھلے چوبیس گھنٹوں کے دوران کورونا وائرس کے۱۴۶نئے معاملات سامنے آئے ہیں‘جن میں۵۶ کاکشمیر اور۹۰ کا تعلق جموں صوبہ سے ہے۔
ایک سرکاری بیان میں کہا گیا ہے کہ اِس طرح مثبت معاملات کی کل تعداد۴لاکھ۵۵ہزار۹۵۳تک پہنچ گئی ہے‘جن میں سے۷۵۴(صوبہ جموں میں۴۷۰؍اور کشمیر صوبے میں۲۸۴)سر گرم معاملات ہیں۔اَب تک ۴لاکھ۵۰ہزار۴۴۱ اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع شوپیان میں ایک،ضلع گاندربل میں۴ ،ضلع بڈگام میں بھی ۴، ضلع بارہمولہ میں۲؍اورضلع سرینگر میں۴۵نئے معاملے درج کئے گئے ہیں۔کپواڑہ ،اسلام آباد‘بانڈی پورہ ،کولگام اورپلوامہ اضلاع سے مثبت معاملات کی کوئی رِپورٹ نہیں ہے۔
اِسی طرح ضلع پونچھ میں۴،ضلع اودھمپورمیں۹، ضلع سانبہ میں۶، ضلع کٹھوعہ میں۲،ضلع ڈوڈہ میں ایک ، ضلع راجوری میں ایک اورضلع جموںمیں۶۷نئے مثبت معاملے سامنے آئے ہیں۔،رام بن،رِیاسی اورکشتواڑ اضلاع سے کسی مثبت معاملے کی کوئی رِپورٹ نہیں آئی ہے۔
بیان میں کہا گیا ہے کہ اِس مدت کے دوران صوبہ جموں سے ایک کووِڈ مریض کی موت واقع ہوئی ہے ۔جموں وکشمیر میں کوروناوائرس سے مرنے والوں کی مجموعی تعداد۴۷۵۸تک پہنچ گئی ،جن میں سے ۲۴۲۵کا کشمیر اور۲۳۳۳کاتعلق جموں صوبہ سے ہے۔
اِسی دوران آج مزید۸۳؍اَفراد شفایاب ہوئے ہیںجن میں۲۴صوبہ کشمیر اور۵۹کا تعلق جموں صوبہ سے ہیں۔