شنزو آبے کی آخری رسومات منگل کو ادا کی جائیں گی

ٹوکیو//
جاپان کے سابق وزیر اعظم شنزو آبے کی جمعہ کو موت کے بعد ان کے جسد خاکی کو ٹوکیو میں ان کے گھر لایا گیا ہے۔ ان کی آخری رسومات منگل کو ادا کی جائیں گی۔
جاپان کے پبلک براڈکاسٹر این ایچ کے کی ایک رپورٹ کے مطابق، ان کی لاش کو مقامی وقت کے مطابق دوپہر ڈیڑھ بجے کے قریب ضلع شیبویا لایا گیا۔
اس دوران وزیر اعظم فومیو کشیدا بھی ان کی رہائش گاہ پہنچ گئے۔
مقامی میڈیا رپورٹس کے مطابق سابق وزیراعظم کی موت پر سوگ منانے کے لیے پیر کو رات بھر ایک پروگرام کا اہتمام کیا جائے گا۔ ان کی آخری رسومات منگل کو ادا کی جائیں گی۔
کیوڈو نیوز ایجنسی کے مطابق، ایک شخص نے مسٹر آبے کو 11:30بجے کے قریب یاماتو-سیدائیجی ریلوے اسٹیشن کے سامنے انتخابی تقریر کے دوران پیچھے سے گولی مار دی۔
یہ واقعہ ملک کے سب سے طویل عرصے تک وزیر اعظم رہنے والے مسٹر آبے کے ساتھ نارا شہر میں پیش آیا۔ پولیس نے بتایا کہ 67 سالہ مسٹر آبے گولی لگنے کے فوراً بعد خون بہہ کر زمین پر گر گئے اور انہیں فوری طور پر اسپتال لے جایا گیا۔
وزیر اعظم کو قتل کرنے والے شخص کا نام ٹیٹسویا یاماگامی (41) ہے۔ اسے گرفتار کر لیا گیا ہے۔ مشتبہ ملزم سابق فوجی بتایا جاتا ہے۔
کیوڈو نیوز کے مطابق یاماگامی نے تفتیش کاروں کو بتایا کہ وہ مسٹر آبے کے سیاسی ایجنڈے سے خوش نہیں تھے، اس لیے انھوں نے ان پر حملہ کیا۔