روسی صدر پوتن نے یورپی رہنماؤں کو خنزیر قرار دیا

ماسکو، 18 دسمبر (یو این آئی) روسی صدر ولادیمیر پوتن نے یورپی رہنماؤں پر شدید تنقید کی اور انہیں "یورپ کے چھوٹے خنزیر ” قرار دیا ہے ۔
روسی صدر ولادیمیر پوتن نے بدھ کو روسی وزارت دفاع کے سالانہ اجلاس میں ایک جارحانہ تقریر کرتے ہوئے یورپی لیڈروں پر شدید تنقید کی اور انہیں "یورپ کے چھوٹے سور” قرار دیا۔ ان کا کہنا تھا کہ یہ لیڈر سابق امریکی انتظامیہ کے ساتھ مل کر روسی معیشت کے خاتمے سے فائدہ اٹھانے کی امید رکھتے تھے ۔
پوتن نے مغربی ممالک پر الزام عائد کیا کہ سابق امریکی صدر جو بائیڈن کی انتظامیہ نے جان بوجھ کر یوکرین تنازع کو مسلح تصادم کی طرف دھکیلا تھا۔ انہوں نے کہا "یورپ کے چھوٹے خنزیر نے فوری طور پر سابق امریکی انتظامیہ کے کام میں شمولیت اختیار کی یہ امید کرتے ہوئے کہ وہ ہمارے ملک کے خاتمے سے منافع حاصل کریں گے ۔ ”
روسی صدر نے زور دے کر کہا کہ روس یوکرین میں اپنے علاقائی اہداف ضرور حاصل کرے گا، وہ چاہے سفارتکاری کے ذریعے ہو یا میدان جنگ میں۔
انہوں نے کہا "ہم اسے سفارتکاری کے ذریعے کرنے کو ترجیح دیں گے اور تنازع کی بنیادی وجوہات کو ختم کریں گے تاہم، اگر مخالف فریق اور اس کے غیر ملکی سرپرست سنجیدہ بات چیت سے انکار کریں تو روس اپنی تاریخی زمینوں کو فوجی ذرائع سے آزاد کرائے گا۔”