آئی سی سی ٹی-20 رینکنگ :تلک ورما چوتھےاور ورون چکرورتی ٹاپ پر

دبئی، 17 دسمبر (یو این آئی ) ہندوستان کے بلے باز تلک ورما آئی سی سی ٹی-20 رینکنگ میں دو درجے بہتری کے ساتھ چوتھے نمبر پر پہنچ گئے ہیں، جبکہ اسپنر ورون چکرورتی 818 پوائنٹس کے ساتھ گیند بازی کی رینکنگ میں سب سے آگے ہیں۔
تلک ورما نے جنوبی افریقہ کے خلاف حالیہ میچز میں شاندار کارکردگی دکھائی، جس سے وہ پاکستان کے صاحبزادہ فرحان اور انگلینڈ کے جوس بٹلر کو پیچھے چھوڑ گئے۔ ہندوستان کے کپتان سوریہ کمار یادو ایک درجے نیچے آ کر دسویں نمبر پر ہیں۔ٹی-20 گیند بازی میں ورون چکرورتی نے پچھلے میچز میں دو دو وکٹیں لے کر 36 پوائنٹس کا اضافہ کیا۔ بائیں ہاتھ کے بولر ارشدپ سنگھ، جنہیں دھرماشالہ میں 13 رنز دے کر دو وکٹیں لینے پر پلیئر آف دی میچ قرار دیا گیا، چار درجے بہتری کے ساتھ 16ویں نمبر پر پہنچ گئے ہیں۔ جنوبی افریقہ کے تیز بولر مارکو یانسن 14 درجے اوپر 25ویں نمبر اور لُنگی اینگیدی 11 درجے ترقی کے ساتھ 44ویں نمبر پر پہنچ گئے ہیں۔