سرینگر/۲دسمبر
محکمہ موسمیات کی پیش گوئی کے مطابق وادی کشمیر کے پہاڑی علاقوں میں کہیں کہیں۴دسمبر کی شام سے۵دسمبر کی صبح تک ہلکی برف باری کا امکان ہے ۔
متعلقہ محکمے کے ایک ترجمان نے بتایا کہ وادی میں ۲اور۳دسمبر کو موسم مجموعی طور پر خشک رہنے کا امکان ہے ۔ انہوں نے کہا کہ بعد میں۴دسمبر کی شام سے ۵دسمبر کی صبح تک پہاڑی علاقوں میں ہلکی برف باری متوقع ہے ۔
ان کا کہنا ہے کہ۶اور۷دسمبر کو موسم ایک بار پھر مجموعی طور پر خشک رہنے کا امکان ہے ۔
ترجمان نے بتایا کہ۸دسمبر کو مطلع جزوی سے مجموعی طور پر ابر آلود رہنے کے ساتھ پہاڑی علاقوں میں کہیں کہیں ہلکی برف باری کی توقع ہے ۔ انہوں نے کہا کہ بعد میں۹سے۳۱دسمبر تک موسم جزوی یا عام طور پر ابر آلود رہ سکتا ہے ۔
ترجمان کا کہنا ہے کہ۴۱اور۵۱دسمبر کو موسم جزوی سے مجموعی طور پر ابر آلود رہنے کے ساتھ پہاڑی علاقوں میں کہیں کہیں ہلکی برف باری کا امکان ہے ۔
محکمے نے اپنی ایڈوائزری میں کہا کہ اس دوران کشمیر میں کئی مقامات جبکہ جموں صوبے میں کہیں کہیں ہلکی سے درمیانی درجے کی دھند جری رہ سکتی ہے ۔
دریں اثنا وادی کشمیر میں شبانہ درجہ حرارت میں ایک بار پھر گراوٹ درج ہونے سے ٹھٹھرتی سردیوں کا زور تیز تر ہوا ہے ۔
وادی میں جنوبی کشمیر کا ضلع شوپیاں سرد ترین علاقہ رہا ہے جہاں کم سے کم درجہ حرارت منفی۰ئ۵ڈگری سینٹی گریڈ ریکارڈ ہوا ہے ۔
کشمیر ویدر کے مطابق گرمائی دارلحکومت سری نگر میں کم سے کم درجہ حرارت منفی۵ئ۲ڈگری سینٹی گریڈ ریکارڈ ہوا ہے جہاں گذشتہ شب کا درجہ حرارت منفی۹ئ۱ڈگری سینٹی گریڈ ریکارڈ ہوا تھا۔
سرینگر میں۸۲نومبر کو رواں سیزن کی سرد ترین رات ریکارڈ ہوئی تھی جب شبانہ درجہ حرارت منفی۵ئ۴ڈگری سینٹی گریڈ ریکارڈ ہوا تھا۔
وادی کے سیاحتی مقام پہلگام میں کم سے کم درجہ حرارت منفی۲ئ۲ڈگری سینٹی گریڈ ریکارڈ ہوا ہے جہاں گذشتہ شب کا درجہ حرارت منفی۴ئ۰ڈگری سینٹی گریڈ ریکارڈ ہوا تھا۔
ایک اورسیاحتی مقام گلمرگ میں کم سے کم درجہ حرارت ۰ئ۰ڈگری سینٹی گریڈ ریکارڈ ہوا ہے جہاں گذشتہ شب کا درجہ حرارت منفی۳ئ۰ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۱ئ۳ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی۴ئ۲ڈگری سینٹی گریڈ ریکارڈ ہوا ہے ۔
شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب منفی۳ئ۴ڈگری سینٹی گریڈ اور منفی۱ئ۳ڈگری سینٹی گریڈ ریکارڈ ہوا ہے ۔
وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب منفی۱ئ۳ڈگری سینٹی گریڈ اور منفی۸ئ۱ڈگری سینٹی گریڈ ریکارڈ ہوا ہے ۔
جنوبی کشمیر کے اننت ناگ اور پلوامہ اضلاع میں کم سے کم درجہ حرارت بالترتیب منفی۷ئ۳ڈگری سینٹی گریڈ اور منفی۸ئ۳ڈگری سینٹی گریڈ ریکارڈ ہوا ہے ۔
لداخ یونین ٹریٹری کے لیہہ اور کرگل اضلاع میں کم سے کم درجہ حرارت بالترتیب منفی۶ئ۶ڈگری سینٹی گریڈ اور منفی۸ئ۴ڈگری سینٹی گریڈ ریکارڈ ہوا ہے ۔
یو این آئی
