پی وی سندھو رواں سال بی ڈبلیو ایف ٹور ایونٹس سے دستبردار

نئی دہلی، 27 اکتوبر (یو این آئی ) ہندوستان کی اسٹار بیڈمنٹن کھلاڑی پی وی سندھو، جو پیر کی انجری سے صحت یاب ہو رہی ہیں، نے 2025 میں باقی تمام BWF ٹور ایونٹس سے دستبردار ہونے کا فیصلہ کیا ہے۔
ایک بیان میں سندھو نے کہا، اپنی ٹیم کے ساتھ مشاورت کے بعد اور ڈاکٹر پردی والا کی رہنمائی میں محسوس کیا کہ 2025 میں باقی تمام BWF ٹور ایونٹس سے دستبردار ہونا ان کے لیے بہتر ہوگا۔ دو بار کی اولمپک میڈلسٹ نے وضاحت کی کہ ان کی چوٹ، ابھی تک پوری طرح ٹھیک نہیں ہوئی ہے۔
ا نہوں نے بیان میں کہا کہ یورپی لیگ سے پہلے مجھے جو پیر کی چوٹ لگی تھی وہ ابھی تک پوری طرح ٹھیک نہیں ہوئی ہے جب کہ اسے قبول کرنا کبھی بھی آسان نہیں ہے، چوٹیں ہر کھلاڑی کے سفر کا لازمی حصہ ہوتی ہیں۔ یہ آپ کی لچک اور صبر کا امتحان لیتی ہیں، لیکن وہ مزید مضبوطی سے واپس آنے کے لیے جستجو بھی پیدا کرتی ہیں۔