ویلز رگبی ٹیم کے ہیڈ کوچ سٹیو ٹینڈی کا رہیس کیری کو ٹیم میں شامل کرنے کا اعلان

لندن 22 اکتوبر(یو این آئی ) ویلز کی قومی رگبی ٹیم کے نئے ہیڈ کوچ سٹیو ٹینڈی نے سارا سینز کلب کے سٹار پروپ رہیس کیری کو دوبارہ ٹیم میں شامل کرنے پر خوشی کا اظہار کیا ہے، جنہیں ایک طویل وقفے کے بعد پہلی بار سکواڈ میں بلایا گیا ہے۔بی بی سی کے مطابق 27 سالہ رہیس کیری نے 2023 کے بعد سے ویلز کے لیے کوئی میچ نہیں کھیلا ہے اور ویلش رگبی یونین کی پالیسی کے تحت وہ انتخاب کے اہل نہیں تھے کیونکہ ان کے پاس 25 ٹیسٹ کیپ کی شرط پوری نہیں تھی تاہم یونین کی طرف سے معقول پیشکش نہ ملنے کی بنیاد پر کچھ استثنائی مثالیں موجود ہیں، جیسا کہ جیرڈ ایوانز کے انتخاب میں دیکھا گیا، اور اسی اصول کو اب رہیس کیری پر بھی لاگو کیا گیا ہے ۔
ویلز کے ہیڈ کوچ سٹیو ٹینڈی نے کہا ہے کہ پروفیشنل رگبی بورڈ نے انہیں کھیلنے کی اجازت دے دی ہے، اور مجھے بے حد خوشی ہے کہ وہ اب ویلز کی قومی رگبی ٹیم کے لئے دستیاب ہیں۔