اسرائیل کا جنوبی لبنان میں میزائل سے حملہ

بیروت، 16 اکتوبر (یو این آئی) اسرائیل نے جنوبی لبنان کے بنت جبیل ضلع میں واقع قصبے کفرا کی طرف جانے والی سڑک پر ڈرون سے حملہ کیا ہے ۔
لبنانی خبر رساں ایجنسی این این اے کی رپورٹ کے مطابق بدھ کے روز ایک اسرائیلی ڈرون نے جنوبی لبنان کے بنت جبیل ضلع میں واقع قصبے کفرا کی طرف جانے والی سڑک پر ایک کار پر دو میزائل داغے ، جس کے نیتجے میں کئی افراد زخمی ہوگئے ۔ یہ حملہ جنگ بندی کے معاہدے کی تازہ ترین خلاف ورزی ہے ۔
آن لائن گردش کرنے والی ویڈیوز میں اسرائیلی حملے کے بعد ایمبولینسز کو جائے وقوع پر پہنچتے دیکھا گیا۔
لبنانی گروپ حزب اللہ اور اسرائیلی فورسز کے درمیان سرحدی جنگ اکتوبر 2023 میں شروع ہوئی۔ یہ ستمبر 2024 تک مکمل جنگ میں تبدیل ہوگئی، جس میں 4,000 سے زائد افراد ہلاک اور 17,000 زخمی ہوئے ۔
اسرائیل اور لبنان نے نومبر 2024 میں جنگ بندی کی، لیکن اسرائیل اس کے بعد سے جنوبی لبنان میں تقریباً روزانہ حملے کر رہا ہے ، اور یہ دعویٰ کر رہے ہیں کہ وہ حزب اللہ کی سرگرمیوں کو نشانہ بنا رہا ہے ۔
اسرائیل کو رواں سال کے شروع میں جنوبی لبنان سے مکمل انخلا کرنا تھا، لیکن وہ اب بھی سرحد پر پانچ فوجی چوکیوں پر موجود ہے ۔