عرفان عمیر کا ٹینس بال کرکٹ سے رنجی ٹرافی تک کا سفر

ممبئی، 16 اکتوبر (یواین آئی ) رانچی کی تنگ گلیوں سے لے کر ہندوستانی فرسٹ کلاس کرکٹ کے پر وقار مرحلے تک عرفان عمیر کا سفر انتہائی کامیاب اور متاثر کن ہے۔ کبھی ممبئی میں روزی روٹی کے لئے بہت جدوجہد کیا ۔لیکن ممبئی میں مقیم اس تیز گیند باز کی قسمت نے اس وقت کروٹ لی جب جموں اور کشمیر کے خلاف ممبئی کے لیے رنجی ٹرافی میں کھیلنے کا موقع ملا، جنہوں نے انڈین اسٹریٹ پریمیئر لیگ (ISPL) کے ذریعے اپنی بے مثال کامیابی سے ایک اہم سنگ میل عبور کرلیا ہے۔
عرفان اپنے خوابوں کو پورا کرنے کے لئے 2017 میں ممبئی چلے گئے۔ انہوں نے مختلف ملازمتیں کیں، جن میں ویٹنگ ٹیبلز اور سو شی ریسٹورنٹ میں کام کرنا بھی شامل ہے۔ تاہم انتہائی مشکل حالات میں بھی کرکٹ پر مسلسل توجہ مرکوز رہی۔
ان کے کیریئر کا اہم موڑ آئی ایس پی ایل سیزن 2 میں آیا، جہاں انہیں فالکن رائزرس حیدرآباد نے منتخب کیا۔ اپنی زبردست رفتار اور شاندار کنٹرول کے ساتھ، عرفان نے جلدہی سب کی توجہ حاصل کر لی۔ ان کا سب سے قابل ذکر لمحہ اس وقت آیا جب انہوں نے بنگلور اسٹرائیکرز کے خلاف ایک ہائی پریشرمیچ کے آخری اوور میں صرف تین رنز دے کر 10 رنز کا دفاع کیا، اسے بڑے پیمانے پر سراہا گیا اور ٹورنامنٹ کے بہترین کھلاڑیوں میں جگہ ملی۔ آئی ایس پی ایل نے انہیں نہ صرف اپنی صلاحیتوں کو ظاہر کرنے کے لیے ایک پلیٹ فارم فراہم کیا بلکہ انہیں مالی تحفظ اور ملک گیر پہچان بھی دلائی۔
ISPL میں اپنی کامیابی کے بعد عرفان نے T20 ممبئی لیگ 2025 میں مسلسل اچھی کارکردگی کا مظاہرہ کیا۔ ان کی بڑھتی ہوئی شہرت نے ممبئی کے سلیکٹرز کی توجہ مبذول کرائی اور آخرکار انہوں نے اس سیزن میں باوقار رنجی ٹرافی میں ڈیبیو کرنے کا موقع حاصل کیا۔
سورج سامت لیگ کمشنر اور ISPL کے کور کمیٹی کے رکن نے کہا، ہمارا مشن ہمیشہ ملک کے ہر کونے سے گراس روٹ ٹیلنٹ کو تلاش کرنا اور پروان چڑھانا رہا ہے۔ عرفان کا ٹینس بال کرکٹ سے فرسٹ کلاس کرکٹ تک کا عروج ISPL کی حقیقی علامت ہے۔ ان کا سفر چھپے ہوئے ٹیلنٹ کا ثبوت ہے، ہم ہندوستان میں صحیح پلیٹ فارم مہیا کرانے کے لیے پرعزم ہیں۔ خواہشمند کرکٹرز کے لیے مزید مواقع اور ہندوستان بھر میں اپنی رسائی کو بڑھانا ہےأ
عرفان کی کامیابی ISPL کے ایک اور سٹار کھلاڑی ابھیشیک ڈالہور کی کامیابی کے بعد ہے، جنہیں لیگ میں ان کی شاندار آل راؤنڈ کارکردگی کے بعد IPL 2025 میں کولکتہ نائٹ رائیڈرز کے لیے نیٹ باؤلر کے طور پر منتخب کیا گیا تھا۔
عرفان اور ابھیشیک جیسی کہانیوں کے ساتھ، ISPL ہندوستان میں ٹینس بال کرکٹ اور پیشہ ورانہ کرکٹ کے درمیان ایک حقیقی پل بن کر ابھرا ہے۔ لیگ ایک بڑے اور دلیرانہ سیزن 3 کے ساتھ واپس آنے والی ہے، جو 9 جنوری سے 6 فروری 2026 تک سورت میں منعقد ہوگی، جس میں دو نئی ٹیمیں شامل ہوں گی اور نچلی سطح کے مزید کھلاڑیوں کو آگے بڑھنے کا موقع ملے گا۔