گل نے انگلینڈ میں ہی کپتانی کا امتحان پاس کر لیا: گمبھیر

نئی دہلی، 14 اکتوبر (یو این آئی ) ہندوستانی کوچ گوتم گمبھیر کا کہنا ہے کہ کرکٹ کیلنڈر مصروف ہونے کے باوجود کھلاڑیوں کو ٹیسٹ کرکٹ کو ترجیح دیتے ہوئے اور ڈومیسٹک کرکٹ اور اے سیریز کھیل کر اس کی تیاری کرتے ہوئے دیکھ کر خوشی ہوتی ہے۔
قابل ذکر ہے کہ ویسٹ انڈیز کے خلاف سیریز سے ٹھیک پہلے، ہندوستانی ٹیسٹ اسکواڈ کے 15 میں سے آٹھ ارکان نے آسٹریلیا اے کے خلاف غیر سرکاری ٹیسٹ سیریز میں حصہ لیا تھا۔ کپتان شبمن گل اور تجربہ کار جسپریت بمراہ سمیت کچھ دوسرے کھلاڑی اس وقت ایشیا کپ میں مصروف تھے۔
منگل کو 2-0 کی سیریز جیتنے کے بعد صحافیوں سے بات کرتے ہوئے گمبھیر نے کہا، "مصروف کرکٹ کیلنڈر کا ہونا کھلاڑیوں کے لیے بہت مشکل ہے، خاص طور پر تینوں فارمیٹ کھیلنے والوں کے لیے، لیکن اس سیریز کی تیاری کے لیے جس طرح سے کچھ ٹیسٹ کھلاڑیوں نے آسٹریلیا اے کے خلاف اے سیریز کھیلی وہ بہت اہم ہے۔
شبمن گل کی کپتانی میں ہندوستان کی یہ پہلی ٹیسٹ سیریز جیت تھی۔ اس سے قبل انہوں نے انگلینڈ میں پانچ میچوں کی سیریز 2-2 سے ڈرا کی تھی۔ گِل کی کپتانی کے بارے میں بات کرتے ہوئے گمبھیر نے کہا، انہوں نے انگلینڈ میں ہی کپتانی کا امتحان پاس کیا تھا۔ یہ گھر سے دور پانچ میچوں کی ایک مشکل ٹیسٹ سیریز تھی۔ ہمارے لیے ہر ٹیسٹ میچ بہت اہم ہوتا ہے۔ میں نے صرف ان سے کہا تھا کہ وہ جس طرح ہیں اسی طرح رہیں۔”
کسی نے بھی انہیں کپتان بنا کر ان پر کوئی احسان نہیں کیا۔ وہ ان کےمستحق ہین اور انہوں نے اس کے لیے بہت محنت کی ہے۔ وہ ہر باکس کو ٹک کرتے ہیں۔ بطور کوچ میں ایک ایسا کپتان چاہتا ہوں جو چیزیں صحیح طریقے سے کرے، صحیح باتیں کہے، سخت محنت کرے، کام کی اخلاقیات لائے اور وہ میدان میں سب سے پہلے پہنچے۔ کوچ کے طور پر آپ کو یہی ضرورت ہے، لیکن انہوں نے بہت اچھا کام کیا ہے۔” لیکن کیا اس کے لیے تینوں فارمیٹس کھیلنا مشکل کام نہیں ہے اور کیا اسے مینٹل کنڈیشنگ کوچ کی ضرورت نہیں ہے؟ اس سوال کے جواب میں، انہوں نے کہا، "جب تک وہ رنز بنا رہے ہیں، انہیں شاید کسی کی ضرورت نہیں ہے، وہ اچھی جگہ پر ہے، پوری ٹیم اچھی سوچ میں ہے، جب تک آپ کو نتائج ملتے ہیں، آپ اچھی سوچ میں ہوں گے۔ اور جب آپ کو نتائج نہیں ملتے ہیں، تو یہ میرا کام ہے کہ پورے گروپ کو صحیح جگہ پر رکھیں۔ اس لیے بس شیڈول میں رہنا بہت ضروری ہے۔ 2027 میں کیا ہوگا اس کے بارے میں سوچنے کا کوئی فائدہ نہیں ہے (WTC فائنل) یہ ابھی بہت دور ہے۔”