یوپی 2028 میں سماج وادی پارٹی کی حکومت یقینی: ابوعاصم اعظمی

مہاراشٹر سماجوادی پارٹی لیڈر اور رکن اسمبلی ابوعاصم اعظمی نے یہاں پارٹی کارکنان کے ورکشاپ سے خطاب کرتے ہوئے کہا کہ یوپی میں آج یا کل سماجوادی پارٹی برسراقتدار آئے گی۔ اس دوران سماجوادی پارٹی کارکنان کی اہمیت میں اضافہ ہو گا۔ انہوں نے پارٹی کارکنان سے کہا ہے کہ وہ ممبر سازی مہم میں حصہ لیتے ہوئے پارٹی کا استحکام میں سرگرم رول ادا کرے ۔
انہوں نے کہا کہ سماج وادی پارٹی کی سرکار یوپی میں ہوتی ہے تو میرے گھر پر روزانہ لوگوں کا تانتا لگ جاتا ہے کبھی پٹی دار کی شکایت کی جاتی ہے تو کبھی کہا جاتا ہے کہ ہمارے گھر کے سامنے سے گٹر گزار دی گئی ہے اعظمی بھائی آپ فون کر لیجئے یوپی میں سماجوادی پارٹی کی حکمرانی یقینی ہے اور2028 میں سماج وادی پارٹی کی حکومت ہو گی۔
انہوں نے کارکنان کو تربیت دیتے ہوئے کہا کہ اگر کوئی پارٹی کا صدر ہے اس کی بھی ذمہ داری ہے اس پر پابند رہنا اس کے لئے لازمی ہے تعلقہ ، علاقائی اکائی ہر ایک کی اہمیت اپنی جگہ مقرر ہے ۔پارٹی میں عہدہ دار وہی بنے جو پارٹی اور اپنے عہدہ کی ذمہ داری بحسن وخوبی انجام دے ۔ انہوں نے کہا کہ جس طرح سے یہ ممبر سازی فارم پرہوگا اس کا رجسٹررڈ نمبر لکھنؤ میں ہو گااور اس کا کارڈ فراہم ہوگا ۔ یہ کارڈ لکھنؤ میں کافی اہمیت کا حامل ہے ۔ پارٹی ورکروں کوالیکشن کے لئے تیار رہنے کی بھی ہدایت جاری کی ہے انہوں نے کہا کہ بی ایم سی الیکشن قریب ہے ایسے میں سماجوادی پارٹی پوری طاقت کے ساتھ میدان میں اترے گی ۔
ایس پی لیڈر یوسف ابراہانی نے کہا کہ 2028میں سماجوادی پارٹی کی واپسی ممکن ہے اس لئے یہاں حالات خراب کئے جارہے ہیں کبھی بریلی اور کبھی دیگر شہروں میں فرقہ پرست ماحول خراب کرنے کے ساتھ تشدد برپا کررہے ہیں لیکن اس سب کے بعد بھی یوپی میں سماجوادی پارٹی کی حکومت سازی کرے گی ۔ اس ورکشاپ میں پارٹی کارکنان اور اعلیٰ عہدیداران بھی شریک تھے ۔