بہار کے لیے کانگریس اسکریننگ کمیٹی کی میٹنگ میں دو درجن امیدواروں کے نام طے ہوں گے

ہار اسمبلی انتخابات کے لیے کانگریس اسکریننگ کمیٹی کی جانب سے امیدواروں کے انتخاب کے مقصد سے جمعے کے روز آن لائن میٹنگ ہوگی، جس میں دو درجن سے زیادہ نشستوں پر امیدواروں کے نام طے کیے جانے کی امید ہے۔
کانگریس ذرائع کے مطابق اس آن لائن میٹنگ میں کمیٹی کے تمام اراکین کی موجودگی متوقع ہے۔ میٹنگ میں بہار پردیش کانگریس کے صدر اور کانگریس قانون ساز پارٹی کے لیڈر پٹنہ سے ہی شامل ہوں گے۔ ذرائع نے بتایا کہ آج کی میٹنگ اہم ہے اور اس میں کئی امیدواروں کے نام طے کیے جانے کا امکان ہے۔
انہوں نے بتایا کہ میٹنگ میں مسٹر اجے ماکن، عمران پرتاپ گڑھی، پردیش انچارج کرشنا الاورو اور پرنیتی شندے موجود رہیں گی۔ پٹنہ سے پردیش کانگریس صدر راجیش رام، قانون ساز پارٹی کے لیڈر شکیل احمد خان اور قانون ساز کونسل میں پارٹی کے لیڈر مدن موہن جھا اس میٹنگ میں شامل ہوں گے۔
اس سے پہلے کمیٹی کی میٹنگ 28 ستمبر کو یہاں پارٹی صدر دفتر اندرا بھون میں ہوئی تھی، جس میں کمیٹی کے تمام اراکین نے شرکت کی تھی۔