ارجن رام میگھوال نے درگاشٹمی کے موقع پر کنیا پوجن کیا

بیکانیر، 30 ستمبر (یو این آئی) راجستھان کے بیکانیر میں قانون اور انصاف کے مرکزی وزیر مملکت (آزادانہ چارج) ارجن رام میگھوال نے منگل کو درگاشٹمی کے موقع پر سانسد سیوا کیندر میں پوجن کیا۔ اس موقع پر پنڈت شری ستیہ نارائن اپادھیائے نے منتروں کے جاپ کے ساتھ پوجن کروایا۔ کنیا پوجن پروگرام میں مسٹر میگھوال کے ساتھ ان کے بیٹے روی میگھوال اور خاندان کے افراد شامل ہوئے ۔
اس موقع پر مسٹر میگھوال نے چھوٹی بچیوں کے پاؤں دھوئے اور ان کے پیروں پر کمکم لگاکر ان کی پوجا کی اور ان سے آشیرواد لیا۔ انہوں نے چھوٹی بچیوں کو تحائف دیتے ہوئے کہا کہ یہ بچیاں نو دیویوں کے روپ میں ہیں۔