پہلی سی بی ایس ای نیشنل فینسنگ چیمپئن شپ اتراکھنڈ میں شروع

ردر پور، 30 ستمبر (یو این آئی) پہلی سنٹرل بورڈ آف سیکنڈری ایجوکیشن (سی بی ایس ای) نیشنل فینسنگ چیمپئن شپ منگل کو اتراکھنڈ کے ادھم سنگھ نگر ضلع کے رودر پور میں شروع ہوئی۔ وزیر کھیل ریکھا آریہ نے مقابلے کا افتتاح کیا۔
دہلی پبلک اسکول میں منعقدہ چیمپئن شپ کے افتتاح کے موقع پر وزیر کھیل آریہ نے کہا کہ سی بی ایس ای نے اپنی کھیلوں کی سرگرمیوں میں تلوار بازی کو شامل کیا ہے۔ ادھم سنگھ نگر کو پہلی سی بی ایس ای نیشنل فینسنگ چیمپئن شپ کی میزبانی کا اعزاز حاصل ہوا ہے۔
اس موقع پر ایتھلیٹس سے خطاب کرتے ہوئے مسز آریہ نے کہا،ہم فینسنگ چیمپئن شپ کی میزبانی کے لیے پرجوش ہیں۔ یہ فینسنگ چیمپئن شپ شاندار، متحرک اور تاریخی ہو گی۔ اس سی بی ایس ای نیشنل چیمپئن شپ سے ملک، ریاست اور مقامی نوجوانوں کو فائدہ پہنچے گا۔” انہوں نے کہا کہ ریاستی اور قومی حکومتیں تمام کھلاڑیوں کے ساتھ کھڑی ہیں۔ انہوں نے مزید کہا کہ وزیر اعظم نریندر مودی کھیلوں کی حوصلہ افزائی کر رہے ہیں، اس لیے تمام نوجوانوں کو کھیلوں میں دلچسپی لینا چاہیے اور اس سے فائدہ اٹھانا چاہیے۔ مسز آریہ نے بتایا کہ 2036 میں ملک میں اولمپک کھیلوں کا انعقاد کیا جائے گا، ان تمام کھیلوں کو اولمپک کھیلوں میں شامل کیا جائے گا۔ اس لیے تمام کھلاڑیوں کو چاہیے کہ وہ ابھی سے اہداف طے کریں اور اولمپکس میں زیادہ سے زیادہ میڈلز حاصل کرنے کے لیے سخت محنت کریں۔