پنجاب سیلاب متاثرین کو کانگریس شعبہ اقلیت نے امداد بھیجی

چنڈی گڑھ، 29 ستمبر (یو این آئی) چنڈی گڑھ ریاستی کانگریس کمیٹی کے اقلیت شعبہ نے آج پنجاب کے لیے امداد بھیجی ہے ، حال ہی میں آئے سیلاب سے متاثرہ خاندانوں کی مدد کے لیے ضروری امدادی سامان روانہ کیا۔
اس امداد میں 1,000 اسکول بیگ، اسٹیشنری کے ساتھ اور 300 شرٹس شامل تھیں، جن کا مقصد ان طلباء کو فوری مدد فراہم کرنا ہے ، جن کی زندگی اور تعلیم سیلاب کی وجہ سے بری طرح متاثر ہوئی ہے ۔
امدادی سامان کو رسمی طور پر چنڈی گڑھ ریاستی کانگریس کمیٹی کے صدر ایچ۔ایس۔ لکی نے اقلیت شعبہ کے چیئرمین آصف چوہدری کی موجودگی میں ہری جھڈی دکھا کر روانہ کیا۔ اس موقع پر خطاب کرتے ہوئے ایچ۔ایس۔ لکی نے سیلاب متاثرہ خاندانوں کے ساتھ یکجہتی کا اظہار کیا اور مسلسل امدادی کاموں کی ضرورت پر زور دیا۔
انہوں نے کہا کہ پنجاب میں آنے والے سیلاب نے خاص طور پر بچوں اور ان کے خاندانوں کو گہرے مسائل میں ڈال دیا ہے ۔ تعلیم کسی بھی حالت میں متاثر نہیں ہونی چاہیے ، اسی لیے ہم متاثرہ طلباء کے لیے اسکول بیگ، اسٹیشنری اور کپڑے بھیج رہے ہیں۔
کانگریس پارٹی پنجاب کے عوام کے ساتھ کندھے سے کندھا ملا کر کھڑی ہے اور ان کے دکھ درد کو کم کرنے کے لیے ہر ممکن مدد جاری رکھے گی۔ امداد اور باز آبادکاری سب سے اہم ترجیح ہونی چاہیے اور ہم حکومت سے اپیل کرتے ہیں کہ وہ فوری طور پر ضرورت مندوں کو مدد فراہم کرے ۔