راہل گاندھی کے قریبی سیم پترودا نے پاکستان کو اپنا گھر بتا کر ملک کے عوام اور فوجیوں کی توہین کی: بی جے پی

نئی دہلی، 19 ستمبر (یو این آئی) بھارتیہ جنتا پارٹی (بی جے پی) نے دہشت گردوں کے سرپرست پاکستان کو گھر جیسا قرار دینے والے کانگریس لیڈر سیم پترودا پر حملہ کرتے ہوئے کہا کہ یہ بیان 140 کروڑ ہندوستانیوں اور فوجیوں کی توہین ہے ۔
بی جے پی ترجمان پردیپ بھنڈاری نے کہا کہ یہ بیان کانگریس لیڈر راہل گاندھی کے اکسانے پر دیا گیا ہے ۔
انہوں نے پارٹی ہیڈکوارٹر میں صحافیوں سے کہا، ‘ہم سب جانتے ہیں کہ پہلگام دہشت گردانہ حملہ پاکستان نے کرایا تھا۔ اس حملے کے بعد آپریشن سندور میں ہماری فوج نے دہشت گردوں کو منہ توڑ جواب دیا۔’
مسٹر بھنڈاری نے کہا، ‘میں آپ سب سے پوچھنا چاہتا ہوں کہ کیا کوئی محب وطن یہ کہہ سکتا ہے کہ دہشت گردوں کا سرپرست ملک پاکستان اس کے لیے گھر جیسا ہے ؟’
انہوں نے کہا کہ مسٹر گاندھی کے قریبی اور کانگریس کی پوری حکمت عملی تیار کرنے والے (سیم پترودا) کہتے ہیں کہ پاکستان ان کے لیے گھر جیسا ہے ۔ مسٹر بھنڈاری نے کہا کہ کانگریس کی اعلیٰ قیادت یہ کہہ رہی ہے اور سیم پترودا سے کہلا رہی ہے کہ پاکستان ہمارے لیے گھر جیسا ہے ۔ یہ ہمارے فوجیوں اور 140 کروڑ عوام کی توہین ہے ۔
بی جے پی ترجمان نے کہا کہ اگر ان کا یہ بیان ملک مخالف نہیں تو اور کیا ہے ؟ انہوں نے کہا، ‘اس بیان سے کچھ دن پہلے آئی ایس آئی ایجنٹ شاہد آفریدی نے راہل گاندھی کو اپنا آئیڈیل کہا تھا اور اس کے کچھ ہی وقت بعد سیم پترودا پاکستان کی تعریف کرتے ہیں۔