جموں کشمیر میں کورونا کے ۷۳ نئے مثبت کیس درج

سرینگر//
جموں کشمیر میں گزشتہ ۲۴ گھنٹوں کے دوران کورونا وائر س کے ۷۳ نئے مثبت معاملات سامنے آئے ہیں جن میں۲۱کشمیر اور۵۲ کا تعلق جموں صوبہ سے ہے۔
ایک سرکاری بیان میں کہا گیا ہے کہ اِس طرح مثبت معاملات کی کل تعداد۴لاکھ۵۵ہزار۶تک پہنچ گئی ہے‘ جن میں سے۴۴۷(صوبہ جموں میں۳۱۶؍اور کشمیر صوبے میں۱۳۱)سر گرم معاملات ہیں۔اَب تک۴لاکھ۴۹ہزار۸۰۳اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع بانڈی پورہ میں ایک، ضلع بڈگام میں بھی ایک اورضلع سرینگر میں۱۹ نئے معاملے درج کئے گئے ہیں۔کپواڑہ ،کولگام ، اننت ناگ ، پلوامہ ،بارہمولہ ، گاندربل اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح ضلع راجوری میں۲،ضلع کٹھوعہ میں۴،ضلع پونچھ میں۲؍اورضلع جموںمیں۴۴ نئے مثبت معاملے سامنے آئے ہیں۔اودھمپور ،سانبہ ،کشتواڑ، ڈوڈہ ،رام بن اوررِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۳۱؍اَفراد شفایاب ہوئے ہیںجن میں۱۰صوبہ کشمیر اور۲۱کا تعلق جموں صوبہ سے ہے۔
بیان میں کہا گیا ہے کہ گزشتہ ۲۴ گھنٹوں کے دوران کورونا وائر س سے کوئی تازہ موت درج نہیں ہو ئی ہے ۔جموں وکشمیر میں کوروناوائرس سے مرنے والوں کی مجموعی تعداد۴۷۵۶تک پہنچ گئی ،جن میں سے۲۴۲۵کاکشمیر اور۲۳۳۱کاتعلق جموں صوبہ سے ہیں۔