سوامی رادھا کرشنن نے نائب صدر کے عہدے کا حلف اٹھایا

نئی دہلی/۱۲ستمبر
چندر پورم پونوسامی رادھا کرشنن نے جمعہ کو ملک کے ۱۵ویں نائب صدر کے طور پر حلف لیا۔
صدر جمہوریہ دروپدی مرمو نے راشٹرپتی بھون میں منعقدہ ایک تقریب میں رادھا کرشنن کو عہدے کا حلف دلایا۔
قبل ازیں، رادھا کرشنن کے نائب صدر کے طور پر انتخاب سے متعلق الیکشن کمیشن کا سرٹیفکیٹ پڑھ کر سنایا گیا۔
اس موقع پر وزیر اعظم نریندر مودی، سابق صدرجمہوریہ رام ناتھ کووند، سابق نائب صدرجمہوریہ جگدیپ دھنکھڑ، وینکیا نائیڈو، حامد انصاری، لوک سبھا اسپیکر اوم برلا، وزیر دفاع راج ناتھ سنگھ، وزیر داخلہ امت شاہ، مرکزی وزیر پرکاش نڈا، نتن گڈکری اور کئی دیگر مرکزی وزراء اور کئی معززین موجود تھے ۔
نائب صدر کا انتخاب۹ستمبر کو دھنکھڑ کے صحت کی وجہ سے استعفیٰ دینے کے بعد ہوا تھا۔ اس انتخاب میں مرکز میں حکمراں نیشنل ڈیموکریٹک الائنس (این ڈی اے ) کے امیدوار رہے مسٹررادھا کرشنن کو منتخب قرار دیا گیا۔ انہوں نے اپوزیشن کے امیدوار مسٹر بی سدرشن ریڈی کو۱۵۲ووٹوں کے بھاری فرق سے شکست دی۔
رادھا کرشنن اب تک مہاراشٹر کے گورنر تھے ۔۴مئی۱۹۵۷کو تروپور، تمل ناڈو میں پیدا ہوئے ‘ رادھا کرشنن بزنس ایڈمنسٹریشن میں گریجویٹ ہیں۔ انہوں نے اپنی عوامی زندگی کا آغاز راشٹریہ سویم سیوک سنگھ (آر ایس ایس) کے سویم سیوک کے طور پر کیا اور اب وہ ملک کے نائب صدر منتخب ہوئے ہیں۔ ایجنسیز