سرینگر/۲۹جون
وادی کشمیر میں شدید گرمی کے بیچ محکمہ موسمیات نے اگلے۴۸گھنٹوں کے دوران جموں و کشمیر میں مون سون کی آمد کے لئے حالات ساز گار ہونے کی پیش گوئی کی ہے ۔
متعلقہ محکمے کے ایک ترجمان نے بتایا کہ جموں وکشمیر میں۳۰جون اور یکم جولائی کے دوران حالات مون سون کی آمد کے لئے سازگار ہیں۔انہوں نے کہا کہ جموں وکشمیر میں اگلے چوبیس گھنٹوں کے دوران موسم خشک اور کافی گرم رہنے کا امکان ہے ۔
ان کا کہنا تھا کہ بعد ازاں اگلے پانچ دنوں تک وادی کے کئی علاقوں میں ہلکی سے درمیانی درجے کی بارشیں جبکہ صوبہ جموں میں موسلا دھار بارشیں متوقع ہیں۔
دریں اثنا وادی میں گرمی کا زور برابر جاری ہے اورشبانہ درجہ حرارت میں اضافہ درج ہو رہا ہے ۔
دارلحکومت سرینگر میں کم سے کم درجہ حرارت۲۱ئ۵ڈگری سینٹی گریڈ ریکارڈ کیا گیا جو معمول سے ۳ئ۴ڈگری سینٹی گرید زیادہ ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت۱۳ئ۵ڈگری سینٹی گریڈ ریکارڈ کیا گیا جو معمول سے۲ء۱ڈگری سینٹی گریڈ زیادہ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت۱۴ئ۶ڈگری سینٹی گریڈ ریکارڈ کیا گیا جو معمول سے۳ئ۹ڈگری سینٹی گرید زیادہ ریکارڈ ہوا تھا۔
سرحدی ضلع کپوارہ میں کم سے کم درجہ حرارت۷ئ۷۱ڈگری سینٹی گریڈ ریکارڈ کیا گیا جو معمول سے۲ئ۳ڈگری سینٹی گریڈ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۱۸ئ۰ڈگری سینٹی گریڈ ریکارڈ کیا گیا جو معمول سے۳ئ۲ڈگری سینٹی گریڈ زیادہ ریکارڈ ہوا تھا
