نیوزی لینڈ کے ورلڈ کپ اسکواڈ میں نئی انٹری، فلورا ڈرون شائر شامل

ویلنگٹن، 10 ستمبر (یو این آئی) نیوزی لینڈ نے ہندوستان اور سری لنکا میں ہونے والے آئندہ خواتین کے ون ڈے ورلڈ کپ کے لیے اَن کیپڈ آل راؤنڈر فلورا ڈرون شائر کو اپنی ٹیم میں شامل کیا ہے۔
غور طلب ہے کہ سلیکٹرز نے پولی انگلس، بیلا جیمز اور بری ایلنگ کو بھی ورلڈ کپ ٹیم میں شامل کیا ہے۔ ان تمام کھلاڑیوں نے کل آٹھ ون ڈے کھیلے ہیں۔
22 سالہ لیفٹ آرم اسپنر ڈرون شائر نے اس سال سری لنکا کے خلاف اپنا پہلا بین الاقوامی ٹی ٹوئنٹی میچ کھیلا۔ اس کے علاوہ جب نیوزی لینڈ اے ٹیم جون جولائی کے دوران انگلینڈ گئی تھی تو وہ بھی اس ٹیم کا حصہ تھیں۔ ڈرون شائر کی 15 کھلاڑیوں پر مشتمل ٹیم میں شمولیت کی وجہ سے 26 ون ڈے کھیلنے والی ساتھی لیفٹ آرم اسپینر فران جوناس کو ٹیم میں جگہ نہیں مل سکی۔ واضح رہے کہ ڈرون شائر نے ابھی تک ایک بھی ون ڈے نہیں کھیلا ہے۔
نیوزی لینڈ کے ہیڈ کوچ بین سائر کا کہنا تھا کہ ’جب ایک پوزیشن کے لیے بہت سارے آپشن ہوتے ہیں تو مشکل فیصلے کرنے پڑتے ہیں، فران جیسی بہترین کھلاڑی کو ٹیم سے باہر کرنا مشکل فیصلہ تھا۔‘