نبی کریم تھانہ پولیس نے چوری کا معاملہ حل کیا، ملزم گرفتار

قومی راجدھانی کے تھانہ نبی کریم پولیس نے ایک گھر میں ہوئی چوری کے معاملے کو حل کرتے ہوئے ایک ملزم کو گرفتار کر کے اس کے پاس سے تقریباً آٹھ لاکھ روپے کے سونے اور چاندی کے زیورات برآمد کئے ہیں۔ ساتھ ہی اس کا ساتھی تاحال فرار ہے جس کی تلاش جاری ہے ۔
ضلع کے ڈپٹی کمشنر پولیس ندھان والسن نے بتایا کہ 15 اگست کو نبی کریم کے علاقے میں ایک گھر سے چوری کی واردات کی اطلاع ملی تھی۔ شکایت کنندہ نے بتایا کہ کام سے واپسی پر گھر کی الماری ٹوٹی ہوئی دیکھی اور اس میں رکھے زیورات اور نقدی غائب تھی۔ چوری ہونے والے سامان میں سونے کا ہار، سونے کی انگوٹھی، سونے کی چوڑیاں، نتھ، چاندی کی چوڑیاں، پازیب اور دیگر زیورات اور 77 ہزار روپے نقدی شامل ہے ۔
معاملے کی ایف آئی آر درج کر کے تفتیش شروع کر دی گئی۔ تھانہ انچارج نبی کریم کی سربراہی میں اور اسسٹنٹ کمشنر آف پولیس کی زیر نگرانی ایک ٹیم تشکیل دی گئی۔ تحقیقات میں قریبی علاقے کی سی سی ٹی وی فوٹیج کی جانچ کی گئی اور تکنیکی اور انسانی ذرائع سے سراغ حاصل کیے گئے ۔
جمعہ کو پولس نے پہاڑ گنج علاقہ کے رہنے والے ملزم راجیو عرف انکش عرف راجہ (23) کو مدر ڈیری کے قریب سے گرفتار کیا۔ اس کے پاس سے چوری شدہ زیورات برآمد ہوئے ۔
پوچھ گچھ کے دوران ملزم نے اعتراف جرم کرتے ہوئے کہا کہ اس نے اپنے ساتھی اجے کے ساتھ مل کر یہ چوری کی ہے ۔ اجے فی الحال مفرور ہے ۔