ہندوستانی باکسرز کی ورلڈ باکسنگ میں شاندار شروعات

لِورپول، 05 ستمبر (یواین آئی) ہندوستانی باکسرز نے شاندار شروعات کرتے ہوئے برطانیہ کے لِورپول میں منعقدہ ورلڈ باکسنگ چیمپئن شپ 2025 میں اپنے اپنے پہلے مقابلے جیت لیے۔ نیرج پھوگاٹ نے 65 کلوگرام وزن میں فن لینڈ کی کرسٹا کووالینن کو 3-2 سے شکست دی، جبکہ سُمت کُندو نے 75 کلوگرام وزن میں اردن کے کھلاڑی کو 5-0 سے ہرایا۔
تھوکھچوم سناماچا چانو نے اپنے پہلے مقابلے میں سخت جدوجہد کرتے ہوئے ڈنمارک کی ڈِٹے فراسٹ ہوم کو خواتین کے 70 کلوگرام وزن میں 4-1 سے شکست دے کر اگلے دور میں جگہ بنائی۔
ساکشی (خواتین 54 کلوگرام) نے ہندوستان کی شاندار شروعات کو جاری رکھتے ہوئے اپنی یوکرینی حریف وکٹوریا شُکُل کو پہلے راؤنڈ میں 5-0 سے شکست دی اور پھر دوسرے راؤنڈ میں زبردست آر ایس سی (ریفری اسٹاپڈ کانٹیسٹ) جیت کے ساتھ مقابلہ اپنے نام کیا۔
پون برتوال نے مردوں کے 55 کلوگرام وزن میں سخت مقابلے کے بعد جیت حاصل کرکے اگلے دور میں رسائی حاصل کی۔