دہلی: ِریلس بنانے کے تنازعے پر شوہر نے بیوی کو قتل کر دیا

نئی دہلی، 2 ستمبر (یو این آئی) دہلی کے نجف گڑھ تھانہ علاقے میں منگل کی صبح ایک سوشل میڈیا آرٹسٹ کو اس کے شوہر نے گلا گھونٹ کر مار ڈالا۔ یہ واقعہ منگل کی صبح پیش آیا۔ بیوی کو قتل کرنے کے بعد ملزم شوہر امن (35) نے خودکشی کی بھی کوشش کی، تاہم پولیس نے موقع پر پہنچ کر اس کی جان بچائی۔ ان کے دو بیٹے ہیں۔ وہ اتر پردیش کے پیلی بھیت کے رہنے والے ہیں۔
دوارکا ضلع کے ڈپٹی کمشنر آف پولیس انکت سنگھ نے بتایا کہ پولیس کو منگل کی صبح تقریباً 4:23 بجے ایک پی سی آر کال موصول ہوئی، فون کرنے والے نے پولیس کو نجف گڑھ کے پرانی روشن پورہ میں کرائے کے مکان میں خاتون کے قتل کی اطلاع دی تھی۔ یہ جوڑا اپریل 2025 سے اس گھر میں رہ رہا تھا۔ پولیس نے موقع پر پہنچ کر 30 سالہ خاتون کی لاش برآمد کی۔
تحقیقات سے معلوم ہوا کہ وہ سوشل میڈیا آرٹسٹ تھی اور سوشل میڈیا پر اس کے 6000 فالوورز تھے ۔ شوہر امن ای رکشہ ڈرائیور ہے ۔ وہ اپنی بیوی کے سوشل میڈیا پر ریلس بنانے اور انسٹاگرام، واٹس ایپ پر ایکٹو رہنے کی مخالفت کرتا تھا جس کی وجہ سے دونوں کے درمیان اکثر جھگڑے ہوتے رہتے تھ