بارہمولہ اور کولگام میں۵منشیات فروش گرفتار‘ براؤن شوگر بر آمد

پولیس نے شمالی کشمیر کے ضلع بارہمولہ کے ٹنگمرگ علاقے سے۳ جبکہ کولگام میں ۲منشیات فروشوں کو گرفتار کرکے ان کی تحویل سے براؤن شوگر جیسا ممنوعہ مواد بر آمد کیا ہے ۔
پولیس ترجمان نے اپنے ایک بیان میں کہا کہ ٹنگمرگ پولیس کی ایک پارٹی نے درنگ کراسنگ پر ایک ناکہ لگا دیا اور اس دوران تین افراد کو روکا گیا۔
ترجمان نے کہا کہ تلاشی کے دوران ان کی تحویل سے ۲۰گرام برائون شوگر جیسا ممنوعہ مواد بر آمد کیا گیا جس کے بعد تینوں کو موقع پر ہی گرفتار کیا گیا۔
ملزموں کی شناخت الطاف احمد حجام ولد محمد عبداللہ حجام، سہیل احمد لون ولد محمد مقبول لون اور مدثر احمد لون ولد غلام نبی لون ساکنان وانی لو حاجی بل کے طور پر کی گئی ہے ۔
بیان میں کہا گیا کہ اس سلسلے میں پولیس اسٹیشن ٹنگمرگ میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئی۔
پولیس نے لوگوں سے منشیات کی بیخ کنی کو یقین بنانے کے لئے بھر پور تعاون فراہم کرنے کی اپیل کی ہے ۔
دریں اثنا پولیس نے ضلع اودھم پور میں ایک منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے ۔
ایک پولیس ترجمان نے بتایا کہ پولیس اسٹیشن ریہام بل کی ایک ٹیم نے معمول کی گشت کے دوران ایک شخص کو چیکنگ کیلئے روکا۔
ترجمان نے کہا کہ تلاشی کے دوران اس کی تحویل سے۸۳ء۳گرام ہیروئن جیسا ممنوعہ مواد بر آمد کیا گیا۔
ملزم کی شناخت طارق حسین ولد شاہ محمد ساکن ڈوڈیل چک اودھم پور کے طور پر ہوئی ہے ۔
بیان میں کہا گیا کہ اس سلسلے میں پولیس اسٹیشن ریہام بل میں این ڈی پی ایس ایکٹ کے تحت ایک کیس درج کرکے مزید تحقیقات شروع کی گئی۔