محبوبہ کا مرکز سے جموںکشمیر کیلئے فوری مالی امدادی پیکیج کا مطالبہ

پی ڈی پی کی صدر اور سابق وزیر اعلیٰ محبوبہ مفتی نے مرکزی حکومت سے جموں و کشمیر میں حالیہ سیلاب، بادل پھٹنے اور لینڈ سلائیڈنگ سے ہونے والے متاثرین کیلئے اسی نوعیت کے مالی امدادی پیکیج کا اعلان کرنے کا مطالبہ کیا ہے جس نوعیت کا اعلان سال۲۰۱۴کے سیلاب کے وقت کیا گیا تھا۔
محبوبہ نے ساتھ ہی کہا کہ تاہم اس وقت جموں صوبے کی طرف خصوصی توجہ دی جانی چاہئے جہاں کشمیر کے مقابلے میں زیادہ نقصان ہوا ہے ۔
پی ڈی پی کی صدر نے ان باتوں کا اظہار ہفتے کو ایکس پر ایک پوسٹ میں کیا۔
محبوبہ نے کہا’’حالیہ سیلاب‘بادل پھٹنے اور لینڈ سلائیڈنگ نے جموں کشمیر میں بڑے پیمانے پر تباہی مچائی ہے اور جموں سب سے زیادہ متاثر ہوا ہے ، جانیں ضائع ہوئی ہیں، گھر تباہ ہوئے ہیں، بنیادی ڈھانچے کو نقصان پہنچا ہے اور کئی کنبوں کے پاس کچھ نہیں بچا ہے‘‘۔
پی ڈی پی صدر نے مرکزی حکومت سے متاثرین کیلئے مالی امدادی پیکیج کا مطالبہ کرتے ہوئے کہا’’ مرکزی حکومت کو فوری طور پر سال۲۰۱۴کے سیلاب کی طرح کے مالی امدادی پیکیج کا اعلان کرنا چاہیے اور اس بار جموں پر خصوصی توجہ دی جانی چاہیے جہاں سب زیادہ نقصان ہوا ہے ‘‘۔
محبوبہ نے کہا کہ مرکز اور جموں و کشمیر حکومت کے درمیان ایک مربوط کوشش اس بات کو یقینی بنانے کیلئے ضروری ہے کہ متاثرہ لوگوں کو اس بحران سے باہر نکالیں