ستسپاس کو ہراکر الٹمائر نے کیا الٹ پھیر

نیویارک، 28 اگست (یو این آئی) جرمنی کے ڈینیئل الٹمائر نے یو ایس اوپن میں آج دن کا سب سے بڑا الٹ پھیر کرتے ہوئے یونان کے 26 ویں سیڈ اسٹیفانوس ستسپاس کو شکست دے کر پہلی بار ٹورنامنٹ کے تیسرے راؤنڈ میں جگہ بنالی۔
اپنا چوتھا یو ایس اوپن کھیل رہے الٹمائر نے گرینڈ اسٹینڈ کورٹ پر چار گھنٹے 21 منٹ تک جاری رہنے والے سخت مقابلے میں ستسپاس کو 7-6 (5), 1-6, 4-6, 6-3, 7-5 سے شکست دے کر اپنے کیریئر کی سب سے بڑی فتح حاصل کی۔
جرمن کھلاڑی الٹمائر کا اگلا مقابلہ آٹھویں سیڈ آسٹریلیا کے ایلکس ڈی مینور سے ہوگا جنہوں نے جاپانی کوالیفائر شنٹارو موچیزوکی کو 6-2، 6-4، 6-2 سے شکست دی۔یو این آئی۔ این یو۔