سندھو، ساتوک-چراغ اور کپیلا۔ کرسٹو چوتھے دن اہم مقابلوں کے لیے تیار

پیرس، 28 اگست (یو این آئی ) پیرس میں جاری بی ڈبلیو ایف ورلڈ چمپئن شپ 2025 میں ہندوستانی دستہ اپنی آگے کی مہم جوئی کے لئے تیار ہے۔جہاں وی سندھو کا مقابلہ دوسری سیڈ وانگ جی یی سے ہوگا جبکہ مردوں کی ڈبلز جوڑی ساتوک سائی راج رنکیریڈی اور چراغ شیٹی کے ساتھ ساتھ مکس ڈبلز جوڑی دھرو کپیلا اورتنیشا کرسٹو اپنے ٹاپ آرڈرریکنگ والے حریفو ں کے خلاف اپنے اپنے ڈرا میں آگے بڑھنے کے ہدف کے ساتھ کورٹ میں داخل ہوں گے۔
بدھ کو پیرس میں بی ڈبلیو ایف ورلڈ چیمپئن شپ 2025 میں ہندوستانی شٹلرز نے شاندار کارکردگی کا مظاہرہ کیا۔ پی وی سندھو نے ملائیشیا کی کروپاتھیوان لیٹشنا کو 21-19، 21-15 سے شکست دے کر آخری 16 میں داخلہ حاصل کیا۔ نویں سیڈ ساتوک سائراج رینکیریڈی اور چراغ شیٹی نے بھی چائنیز تائپے کے لیو یانگ کو 22-20، 21-13 سے شکست دے کر آخری 16 میں داخلہ لیا۔
مکسڈ ڈبلز میں دھرو کپیلا اور تنیشا کرسٹو نے سیدھے گیمز میں کامیابی حاصل کی جبکہ روہن کپور اور ریتویکا گاڈے عالمی نمبر 4 ملائیشین جوڑی سے ہار گئے۔ خاص بات ایچ ایس پرنئے کا عالمی نمبر 2 اینڈرس اینٹونسن کے خلاف تاریخی مقابلہ تھا — پرنئے ایک سیٹ خسارے سے واپس آئے، یہاں تک کہ فیصلہ کن گیم میں دو میچ پوائنٹس بھی حاصل کیے، لیکن آخر کار 8-21، 21-17، 21-23 سے ہار گئے۔