پتھورا گڑھ کی 303 گرام پنچایتوں کے نو منتخب گرام پردھانوں نے حلف لیا

پتھوراگڑھ/نینی تال، 27 اگست (یو این آئی) اُتراکھنڈ کے پتھوراگڑھ ضلع کی 303گرام پنچایتوں کے نو منتخب پردھانوں نے بدھ کے روز حلف لیا۔
دسٹرکٹ مجسٹریٹ ونود گو سوامی کے مطابق 303 گرام پردھانوں کو مختلف ترقیاتی بلاک کے دفاتر میں منعقدہ تقریب میں حلف دلایا گیا۔ انہوں نے بتایا کہ بلاک ترقیاتی افسر اور انتظامی حکام نے حلف برداری کی کارروائی انجام دی۔ تمام منتخب نمائندوں کو اپنے فرائض اور ذمہ داریوں کو دیانتداری، ایمانداری اور شفافیت کے ساتھ انجام دینے کا عہد دلایا گیا۔
حلف برداری کی تفصیلات کے مطابق: بیری ناگ کے 26، دھارچلا کے 47، ڈی ڈی ہاٹ کے 38، گنگولی ہاٹ کے 36، کنالی چھینا کے 41، مناکوٹکے 24، منسیاری کے 65 اور پتھوراگڑھ کے 26 گرام پردھانوں نے حلف لیا۔
انہوں نے امید ظاہر کی کہ اب گرام پردھانوں اور پنچایت کے اراکین اپنے متعلقہ علاقوں میں ترقیاتی منصوبوں کو تیز کرنے کے لیے ضروری اقدامات شروع کریں گے ۔
ضلع پنچایتی راج افسر ہریش آریہ نے بتایا کہ 28 اگست، 2025 کو ان 303 گاؤں کی پنچایتوں میں پہلا اجلاس منعقد کیا جائے گا، جس میں عملے کی تقرری کے ساتھ اجلاس کا روسٹر بھی جاری کیا جائے گا۔