عید الاضحی:قر بانی کے جانوروں کی ریٹ مقرر

سرینگر//
عیدالاضحی کی آمد آمد ہے اور بازاروں میں قربانی کے جانوروں کی خرید و فروخت کا سلسلہ بھی شروع ہوچکا۔
جگہ جگہ پر مختلف اقسام کی بھیڑ، بکریاں فروخت کی جارہی ہیں۔
پیر کے روز محکمہ امور صارفین کے ڈائریکڑ ڈاکٹر عبدالسلام کی صدارت میں منعقدہ ایک جائزہ میٹنگ میں قربانی کے جانوروں کے قیمتیں مقرر کی گئی ہیں اور یہ جموں و کشمیر مٹن لائسنسنگ اینڈ کنڑول آرڈر ۱۹۷۳؍اور ۱۹۷۴ کے ایس آر او۳۱ کے تحت طے پائی ہیں۔
ڈائریکڑ ایف سی اینڈ سی اے کے جاری کردہ نرخ نامے کے مطابق دلی والے اور میرینو کراس قسم کے بھیڑ کی قمیت زندہ فی کلو ۳۱۰ روپے مقرر کی گئی ہے۔ کشمیری اور بکروالی بھیڑ کی قیمت زندہ فی کلو ۲۹۵ روپے رکھی گئی۔ وہیں بکری کے گوشت کی قیمت فی کلو ۲۸۵ روپے مقرر کی گئی ہے۔
واضح رہے گذشتہ برس حکام نے قربانی کے بھیڑ کی قیمت ۲۲۵ روپے فی کلو مقرر کی تھی۔