بچائوکارروائی زوروں پر ‘ وزیر داخلہ نے ہر طرح کی مدد کی یقین دہانی کرائی ہے:سنہا

لیفٹیننٹ گورنر منوج سنہا نے بتایا کہ جموں کشمیر کے ضلع کشتوار کے بادل پھٹنے سے متاثرہ چاشوتی گاو ¿ں میں ریسکیو اور ریلیف آپریشن زوروں پر ہے۔
سنہا نے زور دے کر کہا کہ وزیر داخلہ امت شاہ نے ہر ممکن مدد کا یقین دلایا ہے۔
ایکس پر ایک پوسٹ میں سنہا نے کہا”چاشوتی میں بچائواور امدادی کارروائیاں زوروں پر ہیں۔ جائے وقوع پر افرادی قوت اور مشینری تعینات کر دی گئی ہے۔ دیگر ٹیموں کو بھی روانہ کر دیا گیا ہے“۔
حکام نے بتایا کہ جمعرات کو دور دراز پہاڑی گائوں میں بڑے پیمانے پر بادل پھٹنے کے بعد سی آئی ایس ایف کے دو اہلکاروں سمیت کم از کم ۳۸؍افراد ہلاک اور بہت سے لوگوں کے پھنسے ہونے کا خدشہ ہے۔ جبکہ اب تک۱۲۰؍ افراد کو بچا لیا گیا ہے
ایل جی نے کہا کہ انہوں نے وزیر داخلہ کو مختلف ایجنسیوں کی طرف سے بچائواور امدادی کارروائیوں سے آگاہ کیا۔
سنہا نے کہا کہ انہوں نے (وزیر داخلہ) نے ہر ممکن مدد کا یقین دلایا ہے