وِبھو تیاگی نے ڈیفلیمپکس گولف سلیکشن ٹرائلز میں پہلا مقام حاصل کیا

گریٹر نوئیڈا، 12 اگست (یو این آئی) مہاراشٹر کے وبھو تیاگی نے ڈیفلیمپکس سلیکشن ٹرائلز 2025 میں مرد کھلاڑیوں میں سب سے اوپر رہتے ہوئے فاتح کا تاج اپنے نام کیا۔ گریٹر نوئیڈا کے مشہور جے پی گرینز گالف کورس میں دو دن تک جاری رہنے والے اس چیلنجنگ مقابلے میں تیاگی نے مجموعی طور پر 168 (24-اوور پار) اسکور کیا اور لیڈر بورڈ پر پہلا مقام حاصل کیا۔ یہ مقابلہ شدید گرمی، نمی اور تیز ہواؤں جیسی سخت صورتحال میں کھیلا گیا، جس نے کھلاڑیوں کی برداشت اور مہارت کا سخت امتحان لیا۔
یہ سلیکشن ٹرائل آل انڈیا اسپورٹس کونسل فار دی ڈیف (اے آئی سی ایس ڈی) نے انڈین گالف یونین (آئی جی یو) کی رہنمائی میں منعقد کیا۔ 6 سے 8 اگست 2025 تک منعقدہ اس ایونٹ میں چھ ایتھلیٹس نے حصہ لیا، جن میں ایک خاتون کھلاڑی بھی شامل تھیں، جو ہندوستان میں سماعت سے محروم کھلاڑیوں کے لیے کھیلوں میں بڑھتی شمولیت کو ظاہر کرتا ہے۔
تیاگی کے بعد اتر پردیش کے ہرش سنگھ اور چنڈی گڑھ کے جےسنگھ بلنگ نے بالترتیب دوسرا اور تیسرا مقام حاصل کیا۔ یہ ٹرائلز ڈیفلیمپکس 2025، ٹوکیو کے لیے ہندوستان کی گولف ٹیم کے انتخاب کی سمت ایک اہم قدم تھا